काठमाडौं । सरकारले एक साता खोप सप्ताह मनाउने भएको छ । स्वास्थ्य तथा जनसंख्या मन्त्रालयले यही साउन २५ देखि ३२ गतेसम्म ‘खोप सप्ताह’ मनाउने भएको हो ।
संसदको शिक्षा तथा स्वास्थ्य समितिको बिहीबारको बैठकमा बोल्दै स्वास्थ्य तथा जनसंख्या राज्यमन्त्री उमेश श्रेष्ठले साउन २५ गतेदेखि खोप सप्ताह मनाउने तयारी भएको बताएका हुन ।
उनका अनुसार खोप सप्ताह अभियानमा जापानबाट आउन लागेको ८ लाख र भुटानबाट आउन लागेको ३ लाख गरी ११ लाख कोरोना विरुद्धको खोप लगाईनेछ ।
दुवै देशबाट शनिबार र आइतबारसम्म खोप आइसक्ने जनाईएको छ । आगामी असोजसम्म १ करोड ५ लाख डोज खोप आउने पनि उनले बताए ।
राज्यमन्त्री श्रेष्ठले बालबालिकाका लागि फाइजरको ६० लाख डोज खोप ल्याउने प्रक्रिया पनि अगाडि बढाइएको जानकारी दिए ।
