काठमाडौं । चालु आर्थिक वर्षको पहिलो ९ महिनामा वाणिज्य बैंकहरुले कूल ५० अर्ब ७४ करोड रुपैयाँ खुद नाफा कमाएका छन् । २७ वटा वाणिज्य बैंकहरुले सार्वजनिक गरेका आर्थिक वर्ष २०७७/७८ काे चैत मसान्तसम्मको अपरिष्कृत वित्तीय विवरण अनुसार उनीहरुले पौने ५१ अर्ब रुपैयाँ खुद नाफा कमाएका हुन् ।

जुन गत वर्षको तुलनामा १३.५० प्रतिशतले बढी हो । बैंकहरुले गत आर्थिक वर्ष २०७६/७७ को चैत मसान्तसम्ममा ४४ अर्ब ७० करोड रुपैयाँ खुद नाफा आर्जन गरेका थिए ।

समिक्षा अवधिमा २७ वाणिज्य बैंकमध्ये २१ कम्पनीको खुद नाफामा वृद्धि भएको छ भने बाँकी ६ कम्पनीको नाफामा गिरावट आएको छ ।

खुद नाफा बढाउने कम्पनीमध्ये सबैभन्दा बढी नबिल बैंकले कमाएको छ । बैंकले ९ महिनाको अवधिमा ३ अर्ब ६७ करोड रुपैयाँ खुद नाफा कमाउन सफल भएको छ । जुन गत वर्षको तुलनामा १६.५० प्रतिशत बढी हो । बैंकले गत आवको चैत मसान्तसम्ममा ३ अर्ब १५ करोड रुपैयाँ खुद नाफा कमाएको थियो ।

त्यस्तै, ग्लोबल आईएमई बैंक, राष्ट्रिय वाणिज्य बैंक र एनआईसी एशिया बैंकले ३ अर्ब रुपैयाँभन्दा बढी खुद नाफा आर्जन गर्न सफल भएका छन् । ग्लोबल आईएमई बैंकले ३ अर्ब ५७ करोड, राष्ट्रिय वाणिज्य बैंकले ३ अर्ब २७ करोड र एनआईसी एशिया बैंकले ३ अर्ब रुपैयाँ बराबरको नाफा गरेको छ ।

नाफा बढ्नेमध्ये पनि प्रतिशतका आधारमा सबैभन्दा बढी एनएमबि बैंककाे बढेकाे छ भने कृषि विकास बैंककाे सबैभन्दा कम प्रतिशतले नाफामा सुधार देखिएकाे छ । यी दुई बैंककाे नाफा क्रमशः ८७.८० र १.३९ प्रतिशतले बढेकाे छ ।

नाेटः भिन्नता प्रतिशतमा (श्रोतः सम्बन्धित कम्पनीले प्रकाशित गरेका अपरिष्कृत वित्तीय विवरणबाट)

उता ६ वटा वाणिज्य बैंक भने नोक्सानमा रहेका छन् । एभरेष्ट, हिमालयन, स्ट्याण्डर्ड चार्टर्ड, एनसीसी, नेपाल एसबिआई र सेञ्चुरी कमर्शियल बैंककाे खुद नाफा गत आवकाे तुलनामा घटेकाे छ ।

जसमध्ये प्रतिशतका आधारमा सबैभन्दा बढी सेञ्चुरी कमर्शियल बैंकले गुमाएको छ भने सबैभन्दा कम एनसीसी बैंकले गुमाएकाे छ । यी दुई बैंककाे नाफा क्रमशः ६०.८९ र ५.५५ प्रतिशतले घटेकाे छ ।

त्यस्तै, हिमालयनकाे ४४.४५, नेपाल एसबिआईकाे ३८.९०, एभरेष्टकाे ३५.९३, स्ट्याण्डर्ड चार्टर्डकाे ३४.३४ र एनसीसी बैंककाे ५.५५ प्रतिशतले खुद नाफा घटेकाे हाे ।

नोक्सानीमा रहेका कम्पनीमध्ये एभरेष्ट बैंकको सबैभन्दा बढी खुद नाफा रहेको छ । बैंकको यस्तो नाफा एक अर्ब ५० करोड रुपैयाँ रहेको छ ।

सम्बन्धित शिषर्कहरु

बैंकरका सामू राष्ट्र बैंक स्तब्ध

प्रशान्ति वृद्धाश्रम केन्द्र सुर्खेतलाई सिटिजन्स बैंकको सहयोग

५९० मेगावाटका जलविद्युत आयोजनामा सिटिजन्स बैंकको लगानी, १३ वटा प्रोजेक्टमा नेतृत्व

संस्थापकहरूले ‘स्टार्टअप ब्रान्डिङ’ मा गर्ने यी १० गल्ती जसका कारण डुब्छ व्यवसाय

कुमारी बैंकको ४ लाख ५० हजार कित्ता संस्थापक सेयर बिक्रीमा, न्यूनतम मूल्य कति ?

यी हुन् लगानी सम्मेलनमा निजी क्षेत्रबाट सोकेस गरिने ३१ परियोजना, कुन क्षेत्रबाट कति ?