कोरोना बीमाका लागि दाबी गरेका ४७ प्रतिशत बीमितले पाए भुक्तानी
२०७७ पुष २ गते १६:५३ विकासन्युज
काठमाडौं । कोरोना भाइरस बीमा गरेका १२ हजार १ सय ९० जना बीमितले भुक्तानी पाएका छन् ।
कोरोना बीमा भुक्तानीका लागि दाबी गरेका २३ हजार ५६ जना बीमितहरुमध्ये हालसम्म १२ हजार १ सय ९० जनाले भुक्तानी पाएका हुन् । जो कुल दाबी गर्नेहरुमा ४७.११ प्रतिशत हो ।
यस्तै, बीमा समितिले दिएको जानकारीका अनुसार हालसम्म २३ हजार ५६ जनाले कोरोना बीमा भुक्तानीका आवेदन दिएका छन् ।
कोरोना बीमाको भुक्तानीका लागि २ हजार १ सय ११ बीमितका फाइल प्रकृयामा रहेको समितिले जनाएको छ ।
यस्तै, आवेदन भुक्तानीका लागि परेको आवेदनहरुको यकिनका लागि केन्द्रिय जनस्वास्थ्य प्रयोगशाला टेकुमा २५ सय ५४ वटा फाइल एप्रुभल अवस्थामा रहेका छन् भने । १ हजार ११ फाइल पठाउनको लागि तयार गरिएको समितिले जनाएको छ ।
सम्बन्धित शिषर्कहरु
Copyright © 2024 Bikash Media Pvt. Ltd.