काठमाडौं । मंगलबारको सेयर बजारमा सकारात्मक सर्किट ब्रेक लागेको छ । कारोबार शुरु भएको एक घण्टा नबित्दै परिसूचक ४ प्रतिशतले बढेसँगै नेप्सेमा सर्किट ब्रेक लागेको हो ।
सो दिन कारोबार खुलेदेखि सेयर बजार निरन्तर रुपमा उकालो लागिरहेको छ । ११ बजेर ४८ मिनेट जाँदा परिसूचक ४ प्रतिशतले बढेको हो । यससँगै सेयर कारोबार २० मिनेटको लागि स्थगित भएको छ । त्यस्तै, १२ बजेर ८ मिनेटपछि सेयर काराेबार पुनः सुचारू हुने छ ।
