काठमाडौं । नेकपा (एमाले) का सचिव महेश बस्नेतले प्रतिनिधि सभा निर्वाचनका लागि भक्तपुरको निर्वाचन क्षेत्र नम्बर २ बाट उम्मेदवारी मनोनयन दर्ता गराएका छन् । सचिव बस्नेतले मंगलबार दिउँसो निर्वाचन कार्यालयमा पुगेर मनोनयन दर्ता गरेका हुन् ।
बस्नेत २०७९ मा भएको निर्वाचनमा पनि सो क्षेत्रबाट उम्मेदवार रहेका थिए । उनी गत निर्वाचनमा नेपाली कांग्रेसका उम्मेदवार दुर्लभ थापासँग पराजित भएका थिए भने २०७० र २०७४ सालमा भने सो क्षेत्रबाट निर्वाचित भएका थिए । काँग्रेसले भने यस क्षेत्रबाट कविर राणालाई उम्मेदवार बनाएको छ । आगामी फाल्गुन २१ गते हुने प्रतिनिधि सभा सदस्यको निर्वाचनका लागि मंगलबार देशभर मनोनयन दर्ता भइरहेको छ ।
