काठमाडौं । पछिल्लो २४ घण्टामा देशभर १ हजार ७७५ जना कोरोना संक्रमण मुक्त भएका छन् । स्वास्थ्य तथा जनसंख्या मन्त्रालयको तथ्यांक अनुसार शुक्रबार उक्त संख्यामा संक्रमणमुक्त भएका हुन ।
यस्तै पछिल्लो २४ घण्टामा थप २ हजार ९३६ जनामा कोरोना भाइरस संक्रमण पुष्टि भएको छ । १४ हजार १८२ नमुना परीक्षणमध्ये पीसीआर परीक्षणबाट २ हजार ६ र एन्टिजेन परीक्षणमा ९३० जनामा संक्रमण पुष्टि भएको हो ।
देशभर हालसम्म २६ हजार ८२७ जना सक्रिय संक्रमित छन् भने शुक्रबार ४३ जनाको मृत्यु भएको छ ।
काठमाडौं उपत्यकाका तीन जिल्लामा ५४१ जना संक्रमति थपिएका छन् । जसमध्ये काठमाडौंका ३४३, भक्तपुरमा ६२ र ललितपुरमा १३६ जना संक्रमित थपिएको मन्त्रालयले जनाएको छ।
