काठमाडौं । पछिल्लो २४ घण्टामा ५ हजार ९०५ जना कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार नेपालमा थप ५ हजार ९०५ जनाले दोश्रो लहरको कारोना जितेका हुन् ।
स्वास्थ्य तथा जनसंख्या मन्त्रालय प्रवक्ता डा कृष्ण पौडेलका अनुसार देशभरका प्रयोगशालामा १८ हजार ५६२ जनाको पिसिआर र ३ हजार २११ जनाको एन्टीजेन परीक्षण गर्दा पिसिआरमार्फत ५ हजार ८२५ जना र एन्टीजेटमाफर्त १ हजार जना संक्रमित पुष्टि भएको छ ।
पछिल्लो २४ घण्टामा ७५ जना संक्रमितको मृत्यु भएको मन्त्रालयले जानकारी गराएको छ । यससँगै हालसम्म मृतकको संख्या ७ हजार ६३० पुगेको छ ।
