काठमाडौं । नेपाल आयल निगमले पेट्रोल, डिजेल र मट्टितेलको मूल्य बढाएको छ। निगमले आज राति १२ बजेदेखि लागू हुनेगरी मूल्य बढाएको हो ।
निगमका अनुसार यी सबै पेट्रोलियम पदार्थको मूल्य प्रतिलिटर १ रुपैयाँका दरले बढेको हो । यससँगै पेट्रोलको मूल्य प्रतिलिटर १०५ रुपैयाँ पुगेको छ भने डिजेल र मट्टितेलको मूल्य ९१ रुपैयाँ पुगेको छ ।
निगमले भारतबाटै नेपाल आउने तेलको मूल्य बढेर आएकाले उक्त पेट्रोलियम पदार्थको मूल्य समायोजन गरेको जनाएको छ । खाना पकाउने एलपी ग्यास र हवाई इन्धनमा भने मूल्य समायोजन भएको छैन ।
