भृकुटीमण्डपमा विशेष छुटको व्यवस्थासहित जुत्ता चप्पल मेला सञ्चालनमा, ३० बढी ब्राण्डको सहभागिता
२०८० पुष १७ गते ११:०९ विकासन्युज
काठमाडौं । भृकुटीमण्डपमा जाडोलाई लक्षित गर्दै जुत्ता चप्पल मेला सञ्चालन भइरहेको छ । स्वदेशी ११ वटा कम्पनीको संयुक्त आयोजनामा मेला सञ्चालन भएको हो ।
आयोजक गंगा श्रेष्ठले विशेष छुटको व्यवस्थासहित मेलामा जुत्ता चप्पल बिक्री भइरहेको जानकारी दिए । उनका अनुसार ‘जाडोको बेला भृकुटीमण्डपमा जुत्ता मेला’ भन्ने नारा सहित मेलाको आयोजना भइरहेको छ ।
मेलामा नयाँ/नयाँ मोडलका र विशेष गरी जाडो लक्षित जुत्ता चप्पल उपलब्ध रहेको श्रेष्ठले बताए । मेलामा ग्राहकले जुत्ता चप्पलको खरिदमा ५० प्रतिशतसम्म छुटको व्यवस्था रहेको बताइएको छ ।
श्रेष्ठले मेलामा ३० भन्दा बढी ब्राण्डका झण्डै ६ हजार मोडलका जुत्ता चप्पल उपलब्ध रहेको बताउँदै महिला, पुरुष, बालबालिका लगायत सबैका लागि उपयुक्त हुने जुत्ता चप्पल मेलामा उपलब्ध रहेको बताए ।
मेलामा शिखर सुज, रन सुज, बाम्बो सुज, सु ल्याण्ड, वान वर्ल्ड, भेनस सुज, प्राइड स्वदेशी, आइडल सुज, हिमानी सुज, बोस सुज, फुट स्टेप सुजको सहभागिता छ । एकै ठाउँमा धेरै प्रकारका जुत्ता चप्पल उपलब्ध हुँदा ग्राहकले आफ्नो आवश्यकता अनुसार खरिद गर्न सक्ने आयोजक टिमको भनाइ छ ।
सम्बन्धित शिषर्कहरु
Copyright © 2024 Bikash Media Pvt. Ltd.