काठमाडौ । अबदेखि बीमा व्यवसाय गर्ने (बीमक) कम्पनीले आफ्नो उपहार योजना ल्याउन बीमा समितिको स्वीकृती लिन अनिवार्य गरिएको छ ।

बीमा सम्बन्धी जथाभाबी उपहार योजनाको हाबी भएका कारण समिति यस्तो कडाई गर्न लागेको हो । साथै, यस्तो व्यवस्थाले अस्वस्थ प्रतिस्पर्धा रोक्न मद्दत गर्ने बीमा समितिले बताएको छ ।

बीमा समितिका उप–निर्देशक साम्बाराज लामिछानेले भने-‘अहिलेको बीमा बजारलाई थप व्यवस्थित बनाउन समितिले यस्तो कदम चालेको हो, यस्लै समग्र बीमा बजारमा नै राम्रो गर्नेछ ।’ उनले बीमा समितिले परिपत्र जारी गर्नु पूर्वका उपहार योजना सोही अवस्थामा नै राख्न निर्देशित गरेको जानकारी दिए ।

आगामी दिनमा कम्पनीहरुले नगद लगायतका अन्य उपहार वितरण गरेर बीमकको आकर्षण गर्ने प्रवृत्तिको अन्त्य गर्न बीमा समिति लागि परेको छ । अनावश्यक आकर्षणले गर्दा बीमाको छवी धमिलिने भएकाले समितिले यस्तो कदम चालेको हो । यसरी उपहार योजनामा पूर्व स्विकृती लिएपछि बीमा बजारमा सकारात्मक प्रभाव पर्ने बीमा समितिले जनाएको छ ।

सम्बन्धित शिषर्कहरु

घट्दो सेयर बजारप्रति सरकार अनुदार, लगानीकर्ता भन्छन् : बेवास्ता भयो

सबैको एकै स्वर : बीमाको पहुँच ५० प्रतिशत पुर्‍याउने

शिक्षामा निजी क्षेत्रलाई प्राथमिकता, अब शिक्षकको खातामा मासिक तलब

पहाडका टाकुरा पर्यटकीय गन्तव्य, हलिउड र बलिउड फिल्मका निर्मातालाई आकर्षित गरिने

नीति तथा कार्यक्रममा स्वास्थ्य क्षेत्र : सातै प्रदेशमा सङ्घीय अस्पताल, जेष्ठ नागरिकको घरमै उपचार

अब सञ्चार माध्यममा पनि मर्जर नीति लागु