काठमाडौं । समिट माइक्रोफाइनान्स डेभलपमेन्ट बैंकको १४ हजार कित्ता संस्थापक सेयर लिलामी हुने भएको छ ।
संस्थाका संस्थापक सेयरधनी यामकुमार चुडालले १० हजार, बाबुराजा श्रेष्ठ र बलभद्र अधिकारीले २/२ हजार कित्ता सेयर बिक्री गर्नलाई निवेदन दिएपछि समिटले बिक्रीको प्रक्रिया अघि बढाएको हो ।
सो सेयर पहिलो प्राथमिकता संस्थापक सेयरधनी र नभएमा मात्र बाहिरका लगानीकर्तालाई बिक्री गरिने संस्थाले जानाएको छ । सेयर खरिदका लागि ३५ दिनभित्र निवदेन दिन समिटले भनेको छ ।
