काठमाडौं । एक्सेल डेभलपमेन्ट बैंक लिमिटेडको १९ औं शाखा मोरङ जिल्लाको विराटचोकमा स्थापना गरी उद्घाटन गरेको छ । उक्त शाखाको औपचारिक उद्घाटन मंगलबारका दिन सुन्दरहरैचा नगरपालिकाका नगरप्रमुख शिवप्रसाद ढकाल र यस बैंकका संचालक समितिका अध्यक्ष हेमराज ढकालले संयुक्त रुपमा गरेका छन् ।
बैंकले उक्त शाखाबाट सम्पूर्ण बैंकिङ सेवाहरु प्रदान गर्ने छ । हाल बैंकले विभिन्न २२ स्थानबाट बैंकिङ सेवा प्रदान गरिरहेको छ । साथै, चालु आ.व.मा आफ्नो कार्यक्षेत्र भित्रका थप केहि ठाउँहरुमा शाखा विस्तार गर्ने बैंकको लक्ष्य रहेको छ ।
