काठमाडौं । काठमाडौंमा सवारीसाधन चोरीको घटना बढ्दै गएको छ । गत माघ १ गतेदेखि फागुन १५ गतेसम्म १ सय ८४ वटा सवारी साधन चोरी भएको हो ।
महानगरिय ट्राफिक महाशाखाका अनुसार १ सय ५० वटा मोटरसाइकल चोरी भएका छन् । त्यसैगरी २५ वटा स्कुटी, ३ वटा जिप र ६ वटा साइकल चोरी भएका छन् । मोटरसाइकलको प्राविधिक पाटो निकै फितलो रहेको हुने भएकोले चोरीको घटना बढ्दै गएको महाशाखाको सहप्रवक्ता मुकुन्द मरासिनी बताए ।
मोटरसाइकल चोरी गरेरे पार्टपुर्जा सजिलै अर्को मोटरसाइकलमा सार्न सकिने र सजिलै लुकाउन सकिने भएकाले मोटरसाइकल चोरीको घटना बढ्दै गएको प्रहरी डिएसपी नविनराज राईले बताए । चोरी नियन्त्रणका लागि प्रहरीले विषेस योजना बनाएर अघि बढिरहेको राईले जानकारी दिए । हराएको सवारीको खोजी कार्य भैरहेको प्रहरीले जनाएको छ ।
