काठमाडौं । कृषि विकास बैंकको आगामी माघ १५ गतेदेखि बुक क्लोज हुने भएको छ । बैंकले साधारणसभामा जाने प्रयोजनको लागि सो दिन देखि माघ २९ गते(अर्थात १५ दिन)सम्म बुक क्लोज गर्न लागेको हो ।
बैंकको आगामी ११औँ वार्षिक साधारणसभा माघ २९ गते हुँदै छ । उक्त सभामा बैंकले सेयरधनीलाई २० प्रतिशत बोनस सेयर दिने प्रस्ताव पारित गर्दै छ । साथै, बैंक सञ्चालक समितिको बैठकले ६ प्रतिशतका दरले नगद लाभांश दिने निर्णय गरेको छ ।
