काठमाडौं । निर्धन उत्थान बैंकको १९ औं वार्षिक साधारणसभा पुस २९ गते हुने भएको छ । सभामा गत आर्थिक वर्षमा गरेको नाफाबाट सेयरधनीलाई ८० प्रतिशत लाभांश वितरणको प्रस्ताव पेश हुने छ ।
सेयरधनीलाई ६६.६७ प्रतिशत अर्थात ४० करोड रुपैयाँ बोनस सेयर वितरण र १४ प्रतिशत अर्थात ८ करोड ४२ लाख रुपैयाँ नगद लाभांश दिने बैंकको प्रस्ताव सभाबाट पारित हुने छ ।
यस्तै बैंकको अधिकृत शत्प्रतिशत बढाएर २ अर्ब रुपैयाँ पुर्याउने प्रस्ताव पेश हुने भएको छ । बैंकको पुँजी संरचना परिवर्तन गरी संस्थापक समूहको ५१ र सर्वसाधारणको ४९ प्रतिशत हिस्सा रहने गरी तयार पारिएको लगानी संरचना पेश हुने कार्यक्रम छ ।
यसबाट संस्थापकका ७० बाट घटेर ५१ र सर्वसाधारणको ३० बाट बढेर ४९ प्रतिशत स्वामित्व हुनेछ ।
