काठमाडौं । ८८ किलो सुन काण्डको नाइकेमा नेपाल काँग्रसका नेता परेका छन् ।
अवैध रुपमा सुनको कारोबारीमा मुख्य भूमिका रहेको खुलेपछि रसुवाको क्षेत्र नम्बर १ ख बाट कांग्रेसको तर्फबाट प्रदेश सभाको निर्वाचनमा समानुपातिक सिफारिसमा परेका मानबहादुर तामाङ पक्राउ परेका हुन् ।
नेपाल प्रहरीको महानगरीय प्रहरी महाशाखाको टोलीले तामाङलाई सोमबार राजधानीको स्वयम्भूबाट पक्राउ गरेको हो । तामाङ नेपाल–चीन केरुङ्ग व्यापार संघका अध्यक्ष समेत हुन् ।
८८ किलो सुनको नेपालतर्फ पास गराउने जिम्मा पनि उनकै भएको अनुसन्धानबाट खुलेपछि उनलाई प्रहरीले पक्राउ गरेको हो । पक्राउ परेका तामाङलाई हिरासतमा राखी महाशाखाले थप अनुसन्धान अघि बढाएको छ ।
