काठमाडौं । बिदेशमा बस्ने नेपालीले आगामी प्रतिनिधिसभा निर्वाचनमा मतदान गर्न पाउने सम्भावना बढेको छ ।
बिहीबार निर्वाचन आयोगमा छलफल गर्दै गृहमन्त्री ओमप्रकाश अर्यालले विदेशमा बस्ने नेपालीले मतदान गर्न पाउनुपर्ने बताए ।
गृहमन्त्री अर्यालले कम्तीमा पनि समानुपातिकतर्फ मात्रै भएपनि मतदानको व्यवस्था मिलाउनुपर्ने बताएका हुन् ।
आयोगले गाँठो फुकाओस र सरकारले आवश्यक अध्यादेश् ल्याएर भए पनि विदेशमा रहेका नेपालीले मतदान गर्न पाउनुपर्ने उनको भनाइ छ ।
अधिवक्तासमेत रहेका गृहमन्त्री अर्यालले सर्वोच्च अदालतको आदेशअनुसार सकेसम्म सबै देशमा रहेका नेपालीलाई मतदानको अवसर दिलाउने पनि बताए ।
