काठमाडौं । हेटौंडा उपमहानगरपालिकाले नगर क्षेत्रभित्र फोहर संकलन रोकेको छ । उपमहानगरपालिकाले बिहीबार सार्वजनिक सूचना नै जारी गरेर फोहर संकलन रोक्ने जनाएको हो ।
उच्च अदालत पाटन हेटौंडा इजलासले माघ २२ गते हेटौंडा- १० राप्ती खोला तटमा बनाइएको डम्पिङ साइटमा फोहोर नफाल्न र हेटौंडा उपमहानगरको नाममा अल्पकालीन अन्तरिम आदेश जारी गरेपछि उपमहानगरले फोहोर संकलन नगर्ने निर्णय गरेको जनाएको छ ।
अर्को आदेश वा व्यवथा नभएसम्मको लागि उपमहानगरपालिकाले फोहोरको संकलन र व्यवस्थान कार्य स्थगित भएको हो ।
