के हो सर्किट ब्रेक ? यस्तो छ नेप्सेको पछिल्लो व्यवस्था

२०८० मंसिर २४ गते १२:०९ विकासन्युज

काठमाडौं । नेपाल स्टक एक्स्चेञ्ज (नेप्से)ले बजारको उतारचढावलाई नियन्त्रण गर्नको लागि सर्किट ब्रेक लगाउने व्यवस्था शुरु गरेको हो । उक्त व्यवस्था २०६४ देखि शुरु भएको हो ।

२०६४ सालदेखि शुरु भएको व्यवस्थामा केही बुँदाहरु परिमार्जित भएका छन् । पछिल्लो समय २०७५ चैत १९ गतेदेखि लागू भएको नयाँ व्यवस्था अनुसार नेप्सेमा सर्किट ब्रेक लागिरहेको छ ।

स्टकको नयाँ व्यवस्थाअनुसार कारोबार शुरु भएको पहिलो एक घण्टामा चार प्रतिशतले घटे वा बढेमा १५ मिनेटसम्म सर्किट ब्रेक लाग्ने भएको छ । यस्तै दोस्रो घण्टामा पाँच प्रतिशतले घटे वा बढेमा ३० मिनेट तथा तेस्रो घण्टा वा त्यसपछिको समयमा ६ प्रतिशतले घटे वा बढेमा बाँकी पूरै दिनको कारोबार स्थगित गर्ने व्यवस्था छ ।

सोही अनुरुप आज आइतबारको बजारमा दुई पटक सर्किक ब्रेक लागि सकेको छ । पहिलो पटक कारोबार शुरु भएको केही मिनेटमै ४ प्रतिशतले बढेर र अर्को पटक ५ प्रतिशतले बढेर हाल सेयर कारोबार ४० मिनेटको लागि बन्द भइको छ । अब दुई पटक सर्किट लागेर खुलेपछिको बजार पनि ६ प्रतिशतले घट्यो वा बढ्यो भने आजको पुरै कारोबार स्थगित हुने छ ।

के हो सर्किट ब्रेक ? यस्तो छ नेप्सेको पछिल्लो व्यवस्था