पछिल्लो समयमा युवाहरूको प्रिय बन्दै गरेको कमेडीको बजार मध्यम नै देखिन्छ । हास्य टेलिशृखंला हेर्ने पुस्ताले हास्य क्षेत्रमा नयाँ खोजिरहेको अवस्थामा स्ट्याण्ड अप कमेडीको शुरूवातले युवाहरूलाई कमेडीमुखी बनाएता पनि पुरानो शैलीको कमेडी नरूचाइएका होइनन् । कमेडी च्याम्पियन, स्ट्यान्ड अप कमेडी युवाहरूको रोजाइ भइरहेको समयमा उता बुवा पुस्ता राजनीति व्यङ्ग र गाईजात्रा मै सन्तुष्ट देखिन्छ।

हास्यव्याङ्य, क्यारीकेचर, रोस्टले युवाहरूमा स्थान पाएसंगै हसाउने काम अब मेला महोत्सवमा मात्रै छैन । तनाव, समस्या र व्यस्त जीवनमा मानिसहरू हास्न चाहन्छन् । हसाउने उदेश्यले नै नेपालमा पनि विभिन्न देशमा झै हास्य कार्यक्रमहरू संचालन हुन थालेको देखिन्छ । होटल, क्याफेदेखि कमेडीको मात्रै छुट्टै कार्यक्रम आयोजनाहरू हुन थालेका छन् । दशै फेस्ट, म्युजिक फेस्ट भनेझैं आजको दिनमा कमेडी फेस्ट पनि हुन लागिरहेको छ ।

असोज २० गतेका दिन कस्मोपोलिटन इभेन्ट्सले कमेडी फेस्ट गर्न लागिरहेको छ । उक्त फेस्ट ‘इम्पेरियल बिजनेस कलेज’ बानेश्वरमा हुने भएको छ । कमेडी फेस्टको विज्ञापनको लागि ‘हाम्रो पात्रो’ र टिकटको लागि ‘इ-सेवा’ले सहकार्य गर्ने भएको छ । साथै विभिन्न फुड स्टल, गिफ्ट पार्टनरहरूको पनि उपस्थिति रहनेछ ।

दशैको मुखमा आयोजना गरिएको फेस्टमा विद्यार्थी र युवाहरूलाई केन्द्रित गरेर कार्यक्रमको विज्ञापन भइरहेको छ । उक्त कार्यक्रममा युवा कलाकारहरू अपूर्व क्षितिज सिंह, आदर्श मिश्र र आयुष श्रेष्ठको उपस्थिति हुने छ ।

फेस्ट मुख्यतः विद्यार्थीहरूलाई रमाइलो गराउने उद्देश्यले आयोजना गरिएको हो । कमेडी फेस्टमा धेरै मात्रामा विद्यार्थीहरूको उपस्थिति हुने भएकाले धेरै भन्दा धेरै फुड स्टल, गेम स्टलको आवश्यकता पर्ने पनि देखिएको छ । त्यसकारण इच्छुक व्यक्ति र व्यवसायले फेस्टमा स्टल राख्न पनि सकिने छ ।

सम्बन्धित शिषर्कहरु

‘गाउँ आएको बाटो’ को प्रदर्शन मिति तोकियो

डिशहोमको विजेता थापाले पाए एक लाख पुरस्कार

डिशहोमको ‘हरेक हप्ता सुपरस्टार सिजनकै मेगास्टार’ अभियानका विजेतालाई पुरस्कार रकम प्रदान

डिशहोम फाइबरनेटको सान्दार १२ महिने योजना अफर सार्वजनिक

शाहरुखको सबैभन्दा कम बजेटको फिल्म ‘डंकी’

डिशहोम मेगास्टार घोषणा हुँदै, विजेताले १० लाख पाउने