काठमाडौं । रिभ्याम्प नेपालको पाँचौं संस्करण ‘रिभ्याम्प नेपाल २०२३’ हुने भएको छ । माघ २८ गते ठमेलको छाया सेन्टरमा उक्त मेला हुन लागेको हो ।

दिनभर चल्ने कार्यक्रममा नेपाली व्यवसायिक क्षेत्रमा हाल सक्रिय रहेका नयाँ उद्यम, व्यवसायका साथै प्रमुख व्यापारिक संस्थाहरूको संलग्नता रहने आयोजकले बताएको छ । आयोजकको अनुसार मेलामा प्रवेश नि:शुल्क रहको छ ।

महामारीबाट प्रभावित अर्थतन्त्रको पुनरुत्थानलाई प्रेरित गर्न मद्दतको लागि २०२१ को शुरुमा अवधारणा गरिएको रिभ्याम्प नेपाल कार्यक्रम फेब्रुअरी २०२१ मा र अगस्ट २०२१ मा अनलाइन आयोजना गरिएको थियो । जुन पुनः अप्रिल र सेप्टेम्बर २०२२ मा भएको थियो ।

पाँचौं संस्करणले सहभागीहरूलाई प्रत्यक्ष रूपमा सम्भावित ग्राहकहरू, ग्राहकहरू र साझेदारहरूसँग अन्तरक्रिया गर्न र उनीहरूलाई आफ्ना उत्पादन र सेवाहरू प्रवर्द्धन गर्न मद्दत गर्ने प्लेटफर्म प्रदान गर्ने आयोजकले बताएको छ ।

फाइब्रो नेपाल र आइडिया जार डिजिटलद्वारा नबिल बैंकसँगको सहकार्यमा आयोजित रिभ्याम्प नेपालको यस संस्करणमा डिश होम, ई(बिमा, फिनिक्स कलेज अफ म्यानेजमेन्ट, उपाय, फुडमाण्डु, नेपाल एयरलाइन्स, ई(सेवा, सिस्क्युब टेक्नोलोजी, आर्टसियम प्रोडक्सन, ग्रेस इन्टरनेशनल एजुकेशन, युजि केक, रमाइलो गेम्स, शेरिङ्ग अपर्म्युनिटिज, हाइलाइफ, र नेपाल युवा उद्यमी फोरम ( काठमाडौं च्याप्टर लगायत संस्थाहरुको सहयोग रहेको छ ।

कार्यक्रममा ७० भन्दा बढी उद्यम व्यवसायहरुको सहभागिता हुनेछ भने ७ हजारभन्दा बढी अवलोकनकर्ताहरूको उपस्थितिको अपेक्षा गरिएको छ ।

सम्बन्धित शिषर्कहरु

फेरी बढ्यो सुनको मूल्य, कतिमा हुँदैछ कारोबार ?

बिहीबार १२ सय रुपैयाँले बढ्यो सुनको मूल्य

तनहुँ जलविद्युत आयोजना समयमा सम्पन्न गर्न निर्देशन

श्रमअनुसारको ज्याला नपाउँदा चुँदारा पेसा गरेर दैनिकी चलाउनै कठिन

एकैदिन २ हजार रूपैयाँले घट्यो सुनको मूल्य

डिपिआरमै अल्झियो उत्तरगङ्गा जलाशययुक्त आयोजना