काठमाडौं । चिकित्सकहरुको नाम दर्ता प्रमाणपत्र लिने परीक्षामा ४७ प्रतिशत मात्रै उत्तिर्ण भएका छन् । नेपाल मेडिकल काउन्सिलका अनुसार परीक्षामा सहभागी भएका मध्ये ४७ मात्रै उत्तिर्ण भएका हुन् ।
चिकित्सकहरुको नाम दर्ता प्रमाणपत्र लिने परीक्षामा एमबिबिएस तर्फ ४७.११ र बिडिएस तर्फ ४७.६० प्रतिशत चिकित्सक उत्तीर्ण भएका हुन्। जसमा एमबिबिएस परीक्षामा १ हजार ८३२ जना परीक्षामा सहभागी भएकोमध्ये ८६३ जना मात्रै उत्तीर्ण भएका छन्।
त्यस्तै, बिडिएस तर्फ ४७९ जनाले परीक्षा दिएकोमा २२८ जना मात्रै उत्तीर्ण भएका छन्।
