काठमाडौं । नेपाल राष्ट्र बैंकले ३ वटा पदमा करार कर्मचारीको माग गरेको छ । बैंकले बुधबार एक सूचना जारी गर्दै सुरक्षागार्ड (पिपा पद) र सवारी चालक पदको लागि करार कर्मचारीको माग गरेको हो ।

बैकले १६ सुरक्षागार्ड, हलुका गाडी चलाउने १४ र बस चलाउने ७ जना कर्मचारीको माग गरेको हो । बैंकले सो पदको लागि सेवा अवधि ६ महिना रहेको र सो पदमा उम्मेद्वार दिनेको उमेर ४५ वर्ष ननाघेको र कम्तिमा पनि आठ कक्षा पास गरेको हुनुपर्ने जनाएको छ ।

पिपाको पदका लागि नेपाली सेनाबाट पिपा वा सोभन्दा एक तह माथि काम गरी निवृत्तिभरण प्राप्त गर्ने गरी अवकाश पाएको हुनुपर्ने र सवारी चालकको हकमा बैंक तथा वित्तिय संस्था वा नेपाल सरकारको निकायमा कम्तिमा १० वर्ष सम्बन्धित सवारी साधन चालक सम्बन्धी अनुभव प्राप्त गरको हुनु पर्ने बैंकले सूचनामा उल्लेख गरेको छ ।

यसका लागि आवेदन दिने अन्तिम मिति साउन ४ गते तोकिएको छ ।

सम्बन्धित शिषर्कहरु

स्लाइसमा अखाद्य वस्तु भेटिएपछि महानगरले तिरायो दुई लाख जरिवाना

होटल व्यवसायलाई उद्योगको सुविधा दिन माग

दोलखाबाट ४ किलो सुन बरामद

एक अर्बमा चन्द्रागिरिमा प्रसूति विशेषज्ञ सेवा अस्पताल निर्माण हुँदै

पशुपति जलहरी प्रकरण : सदस्य सचिवसहित तीन जनाविरुद्ध मुद्दा दायर, जनही एक करोड बिगो माग

मूल्यवृद्धिको निर्णय फिर्ता लिएकोमा सरकारलाई धन्यवाद : रवि लामिछाने