काठमाडौं । सनराइज बैंकको तेहौं वार्षिक साधारणसभा आगामी पुस २४ गते हुने भएको छ । उक्त सभा सो दिन बिहान १० बजेदेखि काठमाडौंको बालुवाटारस्थित आम्रपाली बैंङ्क्वेटमा बस्दै छ ।

मंसिर २५ गते बसेको सञ्चालक समितिको बैठकले वार्षिक साधारण सभा तथा बुक क्लोजको मिति तय गरेको हो । बैठकले सभामा जाने प्रयोजनको लागि आगामी पुस ७ गते एक दिन बैंकको बुक क्लोज गर्ने निर्णय गरेको छ ।

सभाले सेयरधनीलाई ८.२८ प्रतिशत लाभांश वितरण गर्ने सञ्चालक समितिको प्रस्तावलाई पारित गर्दै छ । बैंक सञ्चालक समितिको गत आर्थिक वर्षको नाफाबाट सेयरधनीलाई चुक्ता पुँजीको ५.८० प्रतिशत बोनस र २.४८ प्रतिशत नगद(कर समेत) गरी ८.२८ प्रतिशत लाभांश प्रस्ताव गरेको थियो ।

त्यस्तै, सभाले उपयुक्त बैंक वा वित्तीय संस्थाहरु एक आपसमा गाभ्ने तथा गाभिने वा प्राप्ति गर्न गराउनको लागि सबै प्रक्रिया पुरा गर्न सञ्चालक समितिलाई अख्तियारी प्रदान गर्ने भएको छ ।

सम्बन्धित शिषर्कहरु

पेट्रोलको मूल्य ७ रुपैयाँ घट्यो

महालक्ष्मी विकास बैंकद्वारा छात्रवृत्ति वितरणका लागि आर्थिक सहयोग

जसपा विभाजनको निर्णय यथास्थितिमा राख्न सर्वोच्चको अल्पकालीन आदेश

ऊर्जा आयोजनका लागि छुट्टै ‘ऊर्जा सुरक्षा नीति’ बनाउन इप्पानको माग

सन्दीप लामिछाने निर्दोष ठहर, उच्च अदालतबाट पाए सफाइ

निजी क्षेत्रको भन्दा पनि सरकारको मनोबल उठाउनुपर्ने देखियो : शेखर गोल्छा