ऊर्जा आयोजनका लागि छुट्टै ‘ऊर्जा सुरक्षा नीति’ बनाउन इप्पानको माग
२०८१ जेठ २ गते १८:२६ विकासन्युज
काठमाडौं । स्वतन्त्र ऊर्जा उत्पादकहरूको संस्था, नेपाल (इप्पान) ले उपप्रधान एवं गृहमन्त्री रवि लामिछानेलाई भेटेर जलविद्युत लगायतका ऊर्जा आयोजनाको लागि छुट्टै ‘ऊर्जा सुरक्षा नीति’ बनाउन माग गरेको छ ।
बुधबार गृहमन्त्रालयमा भएको भेटमा इप्पान अध्यक्ष गणेश कार्कीले ऊर्जा आयोजनामा धेरै खालका सुरक्षा जोखिम रहेको भन्दै यसको समाधानको लागि छुट्टै ऊर्जा सुरक्षा नीति बनाएर लागु गर्न माग गरेका हुन् ।
कार्कीले प्रसारणलाइन निर्माणको अवरोधले जलविद्युत आयोजनाहरू प्रत्यक्षरूपमा प्रभावित भइरहेको भन्दै प्रसारणलाइन निर्माणमा हुने अवरोध अन्त्य गर्न पनि गृहमन्त्री लामिछानेसँग आग्रह गरे ।
भेटमा उपप्रधान एवं गृहमन्त्री लामिछानेले ऊर्जा सुरक्षा नीति बनाएर ऊर्जा व्यवसायीलाई सुरक्षा दिने विषयमा आफू प्रतिबद्ध रहेको बताए ।
मन्त्री लामिछानेले ऊर्जा आयोजना निर्माण गर्दा जग्गा प्राप्ती र अधिग्रहणमा गृह मन्त्रालयको साथ चाहिएमा मन्त्रालयले सधै सहयोग गर्ने पनि बनाए । उनले ऊर्जा व्यवसायीमाथि चन्दा आतंक छ भने मन्त्रालयलाई गुहार्न पनि आग्रह गरे ।
गृह मन्त्रालयमा भएको उक्त भेटमा इप्पान अध्यक्ष गणेश कार्कीसहित उपाध्यक्ष रामप्रसाद आचार्य र महासचिव बलराम खतिवडा सहभागी थिए ।
सम्बन्धित शिषर्कहरु
लोकप्रिय
- उपदानमा १५% कर ताेकिएपछि धमाधम बैंक छाड्दै कर्मचारी, एकै पटक बाहिरिए तीन दर्जन बैंकर
- कार्यकाल दोहोर्याउने लबिङमा गभर्नर अधिकारी, बाधक बन्न सक्छ ओली-चौधरीको सम्बन्ध
- अर्थमन्त्री र गभर्नरलाई कठपुतली बनाउँदै युवराज खतिवडा
- नेरूडे मिर्मिरे लघुवित्तमा साविक मिर्मिरेका कर्मचारी चेपुवामा, झण्डै कुटिए डीसीईओ बोहरा !
- कृषि विकास बैंकका डीजीएम अर्यालसहित ३४ जनाले दिए राजीनामा
फेसबुक
Copyright © 2024 Bikash Media Pvt. Ltd.