२०७७ मंसिर ८ गते १७:१८ विकासन्युज
काठमाडौं । ज्योति ग्रुपले जिएफपिएलसँग साझेदारी गरी नेपालमा “द ब्रुकलेन क्रिमरी” लाई लन्च गरेको छ । यो एक कम क्यालोरी भएको रियल डेरी आइसक्रिम हो जसमा हरेक स्कुपमा मात्र ७५ क्यालोरी रहेको छ ।
सन् २००७ मा सन् इन्टरनेशनल इनकर्पोरेटेड प्रा.लि. बाट खाद्य उद्योगमा ज्योति ग्रुपले उक्त कम्पनी मार्फत वर्षौंदेखि आइसक्रिमको व्यापारमा आफ्नो प्रभुत्व जमाउन सफल भएको छ । नेपालभर तिव्र गतिमा आफ्नो डिस्ट्रिब्यूसन च्यानल र अफिसहरु विस्तार गर्ने क्रममा रहेको यस ब्राण्डलाई अझ उचाईमा पुर्याउनको लागि हस्पिटालिटी र रिटेल क्षेत्रका दक्ष तथा समर्पित टीमको साथ रहेको छ ।
ज्योति ग्रुपका अध्यक्ष सौरभ ज्योति, पूर्व मिस नेपाल सदिक्षा श्रेष्ठ का साथै ज्योति ग्रुपका टीमको उपस्थितिमा यही मंसिर ७ गतेका दिन, काठमाडौंमा द ब्रुकलेन क्रिमरीलाई लन्च गरिएको थियो । यसै लन्च इभेन्ट मार्फत भिगन आइसक्रिम, चकलेट बारस्, फ्रुट बारस् र आइसक्रिमहरुका विभिन्न प्रकारहरु लन्च गरिएको थियो ।
हालको समयमा द ब्रुकलेन आइसक्रिमहरु अनलाइन मार्फत बिक्री भइरहेको र आउँदो समयमा नेपालका विभिन्न आउटलेटहरुबाट यसको बिक्री वितरण गरिनेछ । दुई साइजमा उपलब्ध यस आइसक्रिमको मूल्य २२५ रूपैयाँ (१०० एमएल) र ७७५ रूपैयाँ (४५० एमएल) रहेको छ ।
Copyright © 2024 Bikash Media Pvt. Ltd.