काठमाडौं । ललितपुरको सातदोबाटोका प्राडा जगदीश वैद्यले बैंकबाट रकम झिक्ने क्रममा बैंकले बढी दिएको रकम फिर्ता गरेका छन् ।

वैद्यले बुधबार जावलाखेलस्थित मेगा बैंकबाट चेकमार्फत रकम झिक्ने क्रममा बैंकका कर्मचारीले ५० हजार रुपैयाँ बढी दिएपछि फिर्ता गरेका हुन् । उनले आफूले इमान्दारिताका साथ बैंकले बढी दिएको रकम फिर्ता दिएको बताए ।

उनले ललितपुर जिल्ला प्रशासन कार्यालयका सहायक प्रजिअ दमरुप्रसाद निरौला, वडा नं ४ नंका वडाध्यक्ष नारायण केसी र बैङ्कका कर्मचारी कृष्णबहादुर मिश्रको उपस्थितिमा बैंकलाई उक्त बढी रकम हस्तान्तरण गरेका हुन् ।

वैद्यले बैंकबाट ५ लाख रुपैयाँ चेकमार्फत झिक्दा बैंकका कर्मचारीले पाँच लाख ५० हजार रुपैयाँ दिएका थिए । वैद्य २०३५ सालबाट निरन्तर समाजसेवा गर्दै आएका थिए । रासस

सम्बन्धित शिषर्कहरु

भूकम्प प्रभावित क्षेत्रमा क्षति आँकलन र स्थायी आवास लाभग्राही पहिचान गरिने

मधेस प्रदेशमा आगलागीबाट ४६ करोडको क्षति

चिम्टीका अग्निपीडितलाई राहत

पर्वतको कुश्माबजारमा खानेपानीको अभाव, लोडसेडिङ सुरु

ललितपुरको आनन्दवनमा डढेलो निभाउने क्रममा घाइते भएका दुई जनामध्ये एकको मृत्यु

रातो मच्छिन्द्रनाथको रथ धमाधम निर्माण हुँदै  (तस्बिरहरू)