काठमाडौं । लाइफ इन्स्योरेन्स कर्पोरेशन नेपाल (एलआईसी नेपाल) लिमिटेडको २६ दशमलब १ प्रतिशत लाभांश दिने प्रस्ताव पारित भएको छ । उक्त प्रस्तावलाई शुक्रबार बसेको कम्पनीको १५औं वार्षिक साधारण सभाले पारित गरेको हो ।

सभाले पारित गरेअनुसार कम्पनीले गत वर्षको मुनाफाबाट आफ्ना शेयरधनीलाई २४ दशमलब ८० प्रतिशत बोनस र कर प्रयोजनको लागि १ दशमलब ३० प्रतिशत नगद लाभांश गरी सो मात्राको लाभांश दिने भएको छ ।

गत आर्थिक वर्षमा कम्पनीले १,४६,७१३ नयाँ बीमालेखहरु बिक्री गरी प्रथम बीमाशुल्क आम्दानी बापत रु. २२६ करोड ५२ लाख संकलन गर्न सफल भएको छ । २०७३ आषाढ मसान्तसम्ममा यस कम्पनीमा कूल चालु बीमालेखको संख्या ६,२७,२६६ र कूल जीवन बीमा कोषमा रु. २,६४९ करोड संकलन भएको कम्पनीले जनाएको छ ।

साथै, चालु आ.ब. २०७३/०७४ को तेस्रो त्रैमासिक अवधिसम्ममा कूल वीमाशुल्क आर्जन रु. ५७८.९० करोड भैसकेको र कम्पनीको जीवन बीमा कोषमा रु. ३,१८९.१७ करोड रहेको कम्पनीद्धारा जारी विज्ञप्तिमा उल्लेख छ ।

सम्बन्धित शिषर्कहरु

निजी क्षेत्रको नेतृत्वमा उच्च र समावेशी आर्थिक वृद्धि हासिल गर्नुपर्छ

पूर्वमन्त्री आलमलाई जन्मकैदको फैसला

भारतीय कम्पनीलाई भुक्तानी गर्न अवरोध, इन्टरनेट काटिन सक्ने सेवा प्रदायकको चेतावनी

सर्वोत्तम सिमेन्टको १५ प्रतिशत लाभांश पारित, सञ्चालकमा ७ जना निर्वाचित

आङटावा शेर्पालाई ३० लाख धरौटीमा छोड्न सर्वोच्चको आदेश

एनसीएचएलले नेप्सलाई १ः०.२८ को स्वाप रेसियोमा प्राप्ति गर्ने