२०७४ जेठ १८ गते १७:२२ विकासन्युज
काठमाडौं । नेपाल धितोपत्र बोर्डले कामना विकास बैंक लिमिटेडलाई हकप्रद निष्कासनको लागि अनुमति दिएको छ । धितोपत्र बोर्डमा निवेदन बुझाएपछि कम्पनीले १०ः३ अर्थात् ३० प्रतिशत हकप्रद सेयर निष्कासनको अनुमति पाएको हो ।
बोर्डको अनुमति अनुसार कम्पनीले २४ लाख १३ हजार कित्ता हकप्रद सेयर निष्कासन गर्ने भएको छ । कम्पनीले अंकित मूल्य १ सय रुपैयाँका दरले २४ करोड १३ लाख रुपैयाँ बराबरको हकप्रद जारी गर्ने भएको छ । कम्पनीको बिक्री प्रबन्धकमा एनआईबिएल क्यापिटल लिमिटेड रहेको छ ।
हाल कम्पनीको चुक्ता पूँजी ६६ करोड १६ लाख रुपैयाँ रहेको छ । ३० प्रतिशत हकप्रद पश्चात कम्पनीको पूँजी ९० करोड २९ लाख रुपैयाँ नाघ्ने छ । बिहीबार कम्पनीको सेयर मूल्य प्रतिकित्ता ३५५ रुपैयाँ रहेको छ ।
Copyright © 2024 Bikash Media Pvt. Ltd.