काठमाडौं । जनता बैंक नेपाल लिमिटेडले सिद्धार्थ डेभलपमेण्ट बैंक लिमिटेडलाई प्राप्ति(एक्विजिशन) गर्नेे प्रस्ताव पारित भएको छ । बैंकको उक्त प्रस्तावलाई शुक्रबार सम्पन्न सिद्धार्थ डेभलपमेण्ट बैंकको विशेष साधारण सभाले पारित गरेको हो ।

साथै, दुबै संस्था एक्विजिशन पश्चात जनता बैंक नेपालको नामबाट एकिकृत कारोवार शुरु हुने छ । उक्त एक्विजिशन पश्चात बनेको जनता बैंक नेपालको स्वाप रेसियो एक बराबर एक रहेको बैंकले जनाएको छ ।

एकिकृत कारोवार पश्चात जनता बैंक नेपालको चुक्ता पूँजी ६ अर्ब ०६ करोड ५४ लाख रुपैयाँ नाघ्ने छ । सिद्धार्थ डेभलपमेण्ट बैंकले निश्कासन गरेको ६० प्रतिशत हकप्रद शेयर बापतको रकम ८५ करोड १५ लाख रुपैयाँ बिक्री पश्चात बैंकको कुल शेयर पूँजी जम्मा ६ अर्ब ९१ करोड ६९ लाख रुपैयाँ पुग्ने बैंकद्धारा जारी विज्ञप्तिमा उल्लेख छ । साथै, एकिकृत कारोवार पश्चात जनता बैंक नेपाल लि.ले चालु आ.ब.को नाफाबाट नेपाल राष्ट्र बैंकको निर्देशनुसारको ८ अर्ब रुपैयाँ चुक्ता पूँजी सजिलै पुग्ने बैंकको दावी छ ।

साथै सभाले ६ सदस्यीय संचालक समितिको निर्वाचन पनि सम्पन्न गरेको छ । जस अनुसार नवगठित सञ्चालक समितिमा संस्थापक शेयरधनीहरुको तर्फबाट राम बहादुर भण्डारी , रतन लाल अग्रवाल र उद्धव चन्द्र गौतम तथा सर्वसाधारण शेयरधनीहरुको तर्फबाट अर्जुन कुमार भट्टराई, बद्री खनाल र एनपीसिएम इण्भेष्टमेण्ट प्रा.लि. को निर्विरोध चयन गरेको छ ।

सम्बन्धित शिषर्कहरु

आङटावा शेर्पालाई ३० लाख धरौटीमा छोड्न सर्वोच्चको आदेश

एनसीएचएलले नेप्सलाई १ः०.२८ को स्वाप रेसियोमा प्राप्ति गर्ने

राष्ट्रिय बीमा कम्पनीको सञ्चालकमा नेपाल बैंकका अधिकारी

सिटिजन्स बैंकका ग्राहकलाई काठमाडौंका विभिन्न संघ संस्थामा छुट हुने

श्रम स्वीकृती २ मिनेट ४४ सेकेण्डमा दिइराखेका छौँ : मन्त्री अर्याल

निजी क्षेत्रको मनोबल उठाउन ‘बोल्ड’ निर्णय हुन्छ : अर्थमन्त्री