नेपाल लाइफद्वारा उत्कृष्ट व्यवसाय गर्ने कर्मचारीहरु सम्मानित
२०७९ साउन १६ गते १६:०९ विकासन्युज
काठमाडौं । नेपाल लाइफ इन्स्योरेन्स कम्पनीले उत्कृष्ट व्यवसाय गर्ने कर्मचारीहरु र शाखा एवं उपशाखाहरुलाई सम्मान गरेकाे छ । कम्पनीले चितवनमा संचालन गरेकाे तीन दिने बिजनेश एक्सिलेन्स कन्फरेन्समा २१ विधामा उनीहरुलाई सम्मान गरेकाे हाे ।
उक्त सम्मेलनमा देशभरिबाट सेल्स तथा मार्केटिंगमा कार्यरत २३० भन्दा बढी कर्मचारीहरुको सहभागिता रहेको थियो । सम्मेलनमा प्रमुख कार्यकारी अधिकृत प्रवीण रमण पराजुलीले गएको आर्थिक वर्षको व्यपार समिक्षा गर्दै चालु आर्थिक वर्ष २०७९/८० मा सेल्स रणनीतिका बारेमा सम्मलेनमा जानकारी गराएका थिए ।
कम्पनीमा हाल कार्यरत जोन प्रमुखहरु, क्षेत्रीय प्रमुखहरु लगायत प्रधान कार्यालयका विभागीय प्रमुखहरुले सम्मेलनमा आ–आफ्नो प्रतिवेदनहरु प्रस्तुत गरेका थिए ।
सम्मेलनमा मोटिभेसनल स्पीकरद्वारा क्षमता अभिवृद्धि एवं सेल्स कौशलताका सम्बन्धमा प्रशिक्षण समेत दिइएको थियो ।
सम्बन्धित शिषर्कहरु
Copyright © 2024 Bikash Media Pvt. Ltd.