काठमाडौं । सोमबारको नेप्से परिसूचक ८.७८ अंकले घटेर १२७५.८२ अंकमा झरेको छ । कारोबार शुरु भएको करिब आधा घण्टा उकालो लागेको सो दिनको नेप्से त्यसपछिको कारोबारमा निरन्तर ओरालो लागेको हो ।

बजारमा परिसूचकमा गिरावट देखिए पनि कारोबार रकममा भने केही सुधार देखिएको छ । सोमबारको बजारमा कुल १७३ कम्पनीको ६१ करोड रुपैयाँ बराबरको सेयर कारोबार भएको छ । जुन अघिल्लो कारोबार अर्थात गत बिहीबारको तुलनामा ३ करोड रुपैयाँ बढी हो । गत बिहीबारको बजारमा ५८ करोड ८८ लाख रुपैयाँ बराबरको सेयर किनबेच भएको थियो ।

बजारमा सबैभन्दा बढी एनआईसी एशिया बैंकको सेयर कारोबार भएको छ । बैंकको ४ करोड १८ लाख रुपैयाँ बराबरको सेयर किनबेच भएको छ । जसको सेयर मूल्य प्रतिकित्ता ४५१ रुपैयाँ रहेको छ । त्यस्तै, शिवम् सिमेन्टको ३ करोड ९० लाख र सिद्धार्थ बैंकको ३ करोड रुपैयाँको सेयर किनबेच भएको छ ।

सो दिन सबैभन्दा बढी वर्ल्ड मर्चेन्ट बैंकिङ एण्ड फाइनान्सको सेयर मूल्य ७.६१ प्रतिशतले बढेको छ । सबैभन्दा बढी तारागाँउ रिजेन्सी होटलका लगानीकर्ताले ७.३४ प्रतिशत गुमाएका छन् ।

सोमबार तीन समूह बाहेक बाँकी समूह ओरालो लागेका छन् । सबैभन्दा बढी निर्जीवन बीमा समूह १२४ अंकले घटेको छ । उकालो लाग्नेमा उत्पादनमूलक १५.५५, विकास बैंक ४.४७ र म्युचअल फण्ड ०.०७ अंकले बढेका छन् ।

सम्बन्धित शिषर्कहरु

प्रभु महालक्ष्मी लाइफको २५ लाख ८४ हजार कित्ता संस्थापक सेयर बिक्रीमा

सलिकोबाट देवेन्द्रले लिए भीआरएस, बरिष्मालाई कम्पनी सचिवको जिम्मेवारी

कुमारी बैंकको ३ लाख १४ हजार कित्ता संस्थापक सेयर बिक्रीमा, प्रतिकित्ता मूल्य कति ?

हरित रोजगारीका लागि कोरियाले पोखरालाई ९८ लाख डलर दिने

पोखराको प्राइम सहकारीबाट १ अर्ब ५४ करोड ठगी, वर्तमान र पूर्वअध्यक्षसहित ८ जना पक्राउ

घट्दो सेयर बजारप्रति सरकार अनुदार, लगानीकर्ता भन्छन् : बेवास्ता भयो