काठमाडौं । चिलिमे जलविद्युत कम्पनीले सेयरधनीलाई २५ प्रतिशत लाभांश दिने प्रस्ताव गरेको छ । सोमबार बिहान सम्पन्न कम्पनी सञ्चालक समितिको बैठकले सेयरधनीलाई चुक्ता पुँजीको ५ प्रतिशत नगद(कर सहित) र २० प्रतिशत बोनस गरी सो मात्राको लाभांश दिने प्रस्ताव गरेको हो ।

उक्त प्रस्तावित लाभांशलाई कम्पनीको आगामी वार्षिक साधारणसभाले पारित गर्नुपर्ने छ । कम्पनीको सभा आगामी मंसिर ११ गते बुधबार बस्दै छ । सो प्रयोजनको लागि कात्तिक २७ देखि मंसिर ११ गतेसम्म कम्पनीको बुक क्लोज हुँदै छ ।

हाल कम्पनीको चुक्ता पुँजी चार अर्ब ७५ करोड रुपैयाँ रहेको छ । २० प्रतिशत बोनस पछि कम्पनीको चुक्ता पुँजी ५ अर्ब ७० करोड रुपैयाँ नाघ्ने छ ।

कम्पनीले अघिल्लो वर्षपनि सेयरधनीलाई ५ प्रतिशत नगद र २० प्रतिशत बोनस सेयर वितरण गरेको थियो ।

सम्बन्धित शिषर्कहरु

आर्थिक सुधारका लागि महासंघले पहल गरेको छ : अध्यक्ष ढकाल

रोजगारका लागि विदेश पठाइदिने भन्दै ४५ लाख ठगी गर्ने दुई पक्राउ

प्रतिफल नआएकाले राष्ट्रपति शैक्षिक सुधार कार्यक्रम रोकेका हौँ : मन्त्री श्रेष्ठ

‘प्यान्डामिक फन्ड’ बाट नेपालले पायो साढे २ अर्ब सहयोग

सगरमाथा आरोहण सुरक्षित बनाउन यस्तो छ तयारी

झिनो अंकले नेप्से बढ्दा होटल तथा पर्यटन समूह चम्किए