२०७६ कार्तिक १८ गते १२:१४ विकासन्युज
काठमाडौं । चिलिमे जलविद्युत कम्पनीले सेयरधनीलाई २५ प्रतिशत लाभांश दिने प्रस्ताव गरेको छ । सोमबार बिहान सम्पन्न कम्पनी सञ्चालक समितिको बैठकले सेयरधनीलाई चुक्ता पुँजीको ५ प्रतिशत नगद(कर सहित) र २० प्रतिशत बोनस गरी सो मात्राको लाभांश दिने प्रस्ताव गरेको हो ।
उक्त प्रस्तावित लाभांशलाई कम्पनीको आगामी वार्षिक साधारणसभाले पारित गर्नुपर्ने छ । कम्पनीको सभा आगामी मंसिर ११ गते बुधबार बस्दै छ । सो प्रयोजनको लागि कात्तिक २७ देखि मंसिर ११ गतेसम्म कम्पनीको बुक क्लोज हुँदै छ ।
हाल कम्पनीको चुक्ता पुँजी चार अर्ब ७५ करोड रुपैयाँ रहेको छ । २० प्रतिशत बोनस पछि कम्पनीको चुक्ता पुँजी ५ अर्ब ७० करोड रुपैयाँ नाघ्ने छ ।
कम्पनीले अघिल्लो वर्षपनि सेयरधनीलाई ५ प्रतिशत नगद र २० प्रतिशत बोनस सेयर वितरण गरेको थियो ।
Copyright © 2024 Bikash Media Pvt. Ltd.