२०८० वैशाख ६ गते २१:१८ विकासन्युज
काठमाडौं । महालक्ष्मी विकास बैंकले ३६ करोड रुपैयाँ खुद नाफा गरेको छ । चालू आर्थिक वर्षको तेस्रो त्रैमासमा बैंकले सो नाफा गरेको हो । गत आर्थिक वर्षको सोही अवधिमा बैंकले ७१ करोड ४२ लाख रुपैयाँ नाफा गरेको थियो । तर, गत आवको सोही त्रैमासको तुलनामा नाफा आधाले घटेको हो ।
बैंकले यो अवधिमा ५१ अर्ब रुपैयाँ निक्षेप संकलन गरेको छ भने ४१ कर्जा रुपैयाँ कर्जा लगानी गरेको छ । गत आवको सोही त्रैमासमा बैंकले ४१ अर्ब ७७ करोड निक्षेप संकलन र ३८ अर्ब ८ करोड रुपैयाँ कर्जा लगानी गरेको थियो ।
बैंकको सीडी रेसियो ७९ प्रतिशत कायम भएको छ भने खराब कर्जा ४ प्रतिशतको हाराहारीमा छ । गत आवको सोही अवधिमा बैंकको सीडी रेसियो ८९.९८ प्रतिशत र खराब कर्जा २.८९ प्रतिशत थियो ।
Copyright © 2024 Bikash Media Pvt. Ltd.
