काठमाडौं । भारतीय टाटा समूहकाे टाटा स्टिल कम्पनीले कोरोना भाइरसको कारण मृत्यु भएका कामदार तथा कर्मचारीका परिवारलाई निरन्तर तलब दिने भएको छ । टाटा कम्पनीले विज्ञप्ति जारी गर्दै मृतक कामदारहरूको परिवारलाई क्षतिपूर्ति स्वरुप निरन्तर तलब दिने जनाएको हो ।

कम्पनीका अनुसार मृतकका परिवारले कामदारको अवकास समय ६० वर्षको अवधिसम्म तलब निरन्तर प्रदान गर्ने जनाएको हो । ६० वर्षको अवधिसम्म मृतकका परिवारले निवृत्तिभरण नभएसम्म तलब, आवास र चिकित्सा सुविधाहरू पाउनेछन् ।

‘हाम्रो निर्णयले मृतकका बच्चाहरुको शिक्षा, स्वास्थ्यमा पनि ठूलो सहयोग पुग्नेछ, मृतकका बच्चाहरुले स्नातकसम्म निःशुल्क पढ्न पाउनेछन्, विज्ञप्तिमा उल्लेख छ ।’

कम्पनीले विश्व महामारीका रुपमा फैलिएको कोरोना भाइरसको कारण कर्मचारीहरुको मृत्यु भएको प्रति दु:ख प्रकट गरेको छ । कम्पनीले  कर्मचारीको सामाजिक सुरक्षाका लागि सधैँ प्रतिवद्ध भएको पनि उल्लेख गरेको छ ।

कम्पनीले आफ्नो यो निर्णयले मृतकका परिवारलाई थोरै भएपनि टेवा पुग्ने जनाएको छ । टाटा स्टील भारतमा सबैभन्दा ठूलो रोजगारदाता कम्पनी पनि हो हो । कम्पनीका अध्यक्ष उद्योगी रतन टाटा हुन् ।

सम्बन्धित शिषर्कहरु

सिंगापुरका पूर्व प्रधानमन्त्रीका भाइलाई दुई लाख ९६ हजार डलर जरिवाना

न्यूजिल्याण्डबाट विश्वका १०० मुलुकमा पाउडर दूध निर्यात

व्यवसायीहरू ऋण नतिरी भाग्ने उपाय खोजिरहेका छन्- करण चौधरी

बजेट ‘सदनबाट आउँछ वा अध्यादेश’बाट आजै निर्क्यौल

मिटरब्याज : आयोगले साहु र ऋणीसँग माग्यो लेनदेन प्रमाण

भारतबाट साढे १५ अर्ब डलरको स्मार्टफोन विश्वबजार निर्यात