काठमाडौं । स्याकार ट्रेडिङ्ग कम्पनीले एस.जे. मोटो सुपरबाइक लन्च गरेकाे छ । विगत ५० वर्षभन्दा बढी समयदेखि नेपालको आर्थिक विकासमा धेरै थोरै भए पनि योग्दान पुर्याउँदै आएको कम्पनीले यही माघ ३० गते उक्त बाइक लन्च गरेकाे हाे ।

कम्पनीका संचालक सौरभ ज्योतिले मोटरसाइकल पारखीहरुलाई एक पृथक अनुभव प्रदान गर्नका लागि एस.जे. मोटोको स्थापना गरेका हुन् ।

उक्त एस.जे. मोटोमा सुपरबाइकहरुका साथै नेपालको इतिहास बोकेका केहि ऐतिहासिक मोटरसाइकहरुको संकलन गरिएको छ । मोटरसाइकल पारखीहरुले उक्त ठाउँमा सुपरबाइकहरु अवलोकन गर्नुका साथै सोही ठाउँमा रहेको क्याफेमा कफि र नेपालको संस्कृति झल्कने खानेकुराहरुको पनि आन्नद लिन सक्नेछन् ।

नेपालकै नौलो र पृथक मोटरसाइकल ग्यालरी एवं क्याफेको रुपमा स्थापित यस एस.जे. मोटो को रिटेल सेक्सन मार्फत ग्राहकले नयाँ तथा रिकन्डिसन सुपरबाइकहरु खरिद गर्नुका साथै विभिन्न ब्राण्डका अफिसियल मर्कन्डाइज लुगा लगायत मार्बल तथा डि सि का सामानहरु समेत खरिद गर्न सक्नेछन् ।

आफ्नो रहरलाई यथार्थमा परिणत भएको खुसीमा सौरभ ज्योति भन्छन्, “विगत २५ वर्षदेखि मैले मेरो रहरहरु संगाल्दै आएको छु । आजको दिनसम्म आइपुग्दा मैले नयाँ प्रविधिमा आधारित मोटरसाइकलहरु र नेपाली इतिहास बोकेका ऐतिहासिक मोटरसाइलहरुमा लगानी गरेको छु । मेरो जस्तै कथा तपाईंहरुको पनि होला, मेरो जस्तै रहर तपाईंहरुको पनि होला त्यसैले तपाईंहरु जस्तै मोटरसाइल पारखीको लागि खुलेको हो एस.जे. मोटो ।”

सम्बन्धित शिषर्कहरु

टीभीएस अपाचेको आरटीआर १६० सार्वजनिक, मूल्य तीन लाख बढी

विस्तृत सेवाको साथ सीएफ मोटो र जीहोका बाइक र स्कुटर लन्च

टीभीएसले ल्यायो लाईफ टाईम ब्याट्री एस्योरेन्स भएको ईलेक्ट्रिक स्कुटर, मूल्य कति ?

हिरो मोटोकर्पले उद्घाटन गर्यो एसेम्बली प्लान्ट, तीन महिनाभित्र १०० बढी आउटलेट खोल्दै

रोयल इन्फिल्डले बालकुमारीमा खोल्यो ट्रेनिङ सेन्टर

६२० किमि रेन्ज दिने प्रीमियम ईभी सार्वजनिक