काठमाडौं । आइतबार बिहानै उद्योग वाणिज्य आपुर्ति तथा उपभोक्ता संरक्षण विभाग बजार अनुगमनमा निस्कियाे । विभागलाई बजारमा निर्माण सामग्रीमा कालोबजारी बढेको सूचना प्राप्त भएसँगै विभागकाे प्राथमिकतामा निर्माण सामग्रीका फर्महरु परे ।

विभागका अनुसार आइतबार विभागबाट खटिएको टोलीले विभिन्न निर्माण सामग्री सप्लाएर्स अर्थात निर्माण सामग्रीकाे फर्ममा अनुगमन गर्यो ।ती फर्महरुमा अनुगमन गर्दा विभागकाे टाेलीले सूचना आए अनुसारकाे कालाेबजारी गर्नेहरु पनि भेट्याे ।

विभागको टोलीले आज विभिन्न फर्महरुमा अनुगमन गर्दा १३ फर्महरु कारवाहीको भागेदार बने भने उनीहरुबाट १ लाख १५ हजार रुपैयाँ जरिवाना उठ्यो ।

कारवाहीको दायरामा परेका ५० प्रतिशत फर्महरु निर्माण सामग्री सम्बन्धित छन् । निर्माण सामग्रीमा कालोबजारी गर्ने ती फर्महरुबाट ८० हजार रुपैयाँ जरिवाना उठेकाे विभागले बताएकाे छ ।

यस्तै पुस २९ गते कारवाहीमा परेका फर्महरुमध्ये अधिकांश निर्माण सामग्री सम्बन्धित थिए । विभागका अनुसार पछिल्लो समय निर्माण सामग्रीमा कालोबजारी गर्नेहरुको संख्या बढ्दै गएको छ ।

निर्माण सामग्रीको मूल्य एक्कासी बढेसँगै निर्माण समग्रीमा पनि कालोबजारी बढेको हो । निर्माण व्यवसायीहरुले उद्योगीहरुले कार्टेलिङ गरेर निर्माण सामग्रीको मूल्य बढाएको बताउँदै आएका छन् ।

उनीहरु निर्माण सामग्रीमा अत्याधिक मूल्यवृद्धि भएकै कारण करिब ६ हजार आयोजना प्रभावित भएको बताउँछन् । विभागका महानिर्देशक नेत्रप्रसाद सुवेदीले निर्माण सामग्रीमा कालोबजारी बढेको भन्ने सूचना पाएपछि विभागले पनि अनुगमनका तीव्रता दिएको बताउँछन् ।

उनका अनुसार आइतकार काठमाडाैं उपत्यकाका विभिन्न ठाउँहरुमा अनुगमन गर्दा धेरै कारवाहीकाे दायरामा निर्माणका सामग्रीहरुकाे व्यापारहरु गर्ने परेका छन् ।

विभागले आज (आइतबार) ललितपुरको पचली भैरव सप्लायर्सलाई ५ हजार, ललितपुरकै शिवम प्याकेजिङ एण्ड सप्लायर्सलाई २० हजार, इन्द्रेणी हार्डवयर एण्ड सेनेटरी वयर प्रालिलाई १५ हजार, सुमन हार्डवयरलाई २० हजार रुपैयाँ जरिवाना गरेको छ । उनीहरुलाई उपभोक्ता संरक्षण ऐन २०७५ को विभिन्न दफाहरु प्रयोग गरेर कारवाही गरेको विभागले जनाएको छ ।

सम्बन्धित शिषर्कहरु

चौधरी ग्रुपलाई २ लाख रुपैयाँ जरिवाना, ७ दिनभित्र बुझाउनु पर्ने

यूनिभर्सल टुर्स एण्ड ट्राभलको आम्दानी बढ्यो, एक अर्ब बढी ऋण लिँदै

हिमालयन हाइड्रो एक्स्पोको उद्घाटन, विद्युत निर्यात गर्नुपर्नेमा राष्ट्रपतिको जोड

इमर्जेन्सी सेयर बेच्न अफ मार्केट ट्रान्जिक्सनको व्यवस्था हुनुपर्छ : निरञ्जन फुयाँल

एसईईपछि कुन विषय पढ्दा सजिलै पाइन्छ जागिर ? यस्तो छ विज्ञको सुझाव

अर्बौं लगानीमा एकै वर्ष खुले दर्जन बढी तारे होटल