सिटिजन्स लाइफ इन्स्योरेन्सको खुद बीमा शुल्क ७१ प्रतिशतले बढ्यो, नाफा कति ?
२०७७ साउन २५ गते १४:४८ विकासन्युज
काठमाडौं । सिटिजन्स लाइफ इन्स्योरेन्सको खुद बीमा शुल्क ७१ प्रतिशतले बढेको छ । आर्थिक वर्ष २०७५/७६ मा एक अर्ब १२ करोड रुपैयाँ बीमा शुल्क आर्जन गरेको कम्पनीले २०७६/७७मा एक अर्ब ९२ करोड रुपैयाँ आर्जन गरेको छ ।
कम्पनीको बीमा शुल्कसँगै खुद नाफामा पनि वृद्धि भएको छ । गत वर्षको असार मसान्तसम्ममा कम्पनीले २० करोड रुपैयाँ खुद नाफा कमाएको छ । अघिल्लो आवको सोही अवधिमा इन्स्योरेन्सले१५ करोड ३६ लाख रुपैयाँ नाफा कमाएको थियो ।
त्यस्तै, खुद दाबी भुक्तानी पनि अघिल्लो वर्षको भन्दा बढेर ११ करोड २ लाख रुपैयाँ पुगेको । जुन अघिल्लो वर्षमा जम्मा ३ करोड ७० लाख रुपैयाँ रहेको थियो ।
इन्स्योरेन्सले सार्वजनिक गरेको गत आवको असारमसान्तको वित्तीय विवरणअनुसार कम्पनीको व्यवस्थापन खर्च ३ करोड ४५ लाख ९४ हजार रुपैयाँबाट बढेर ४ करोड ६६ लाख ६२ हजार रुपैयाँ पुगेको छ ।
चुक्ता पुँजी एक अर्ब ७५ करोड रुपैयाँ भएको यस कम्पनीको बीमा कोषमा एक अर्ब ६७ लाख रुपैयाँ रहेको छ । त्यस्तै, जगेडा कोषमा ४९ करोड ६१ लाख रुपैयाँ र महाविपत्ती कोषमा ४ करोड २७ लाख रुपैयाँ सञ्चित रहेको छ ।
समीक्षा अवधिमा कम्पनीले कूल १ लाख २४ हजार ६८२ बीमालेख जारी गरी ३ अर्ब ५३ करोड ५३ लाख रुपैयाँ कूल बीमाशुल्क आर्जन गरेको छ । त्यस्तै, १ सय १५ वटा दाबी बापत १३ करोड ७३ लाख रुपैयाँ भुक्तानी गरेको कम्पनीले २ करोड ४९ लाख रुपैयाँ बराबरको भुक्तानी गर्न बाँकी रहेको छ ।
३० प्रतिशतको साधारण सेयर(आईपीओ) निष्काशन गर्ने तयारीमा रहेको यस कम्पनीको चुक्ता पुँजी आईपीओ पश्चात २ अर्ब ५० करोड रुपैयाँ नाघ्ने छ ।
सम्बन्धित शिषर्कहरु
Copyright © 2024 Bikash Media Pvt. Ltd.