२०७६ चैत १६ गते १५:३६ विकासन्युज
काठमाडौं । सरकारले लकडाउनको समयवधि आगामी २५ चैतसम्म बढाउने भएको छ । आइतबार सिंहदरबारमा बसेको कोरोना रोकथाम तथा उच्चस्तरीय समन्वय समितिको बैठकले सात दिन लकडाउन थप्ने निर्णय लिएको उच्चस्तरीय समितिको स्रोतले बताएको छ ।
स्राेतका अनुसार लकडाउनकाे अवधि अब थप १४ दिनभन्दा बढी नहुने गरि मन्त्री परिषदलाई समितिले सिफारिस गरेकाे छ। उपप्रधान तथा रक्षामन्त्री ईश्वर पोखरेल नेतृत्वको सो समितिको आइतबार बसेले लकडाउन ७ देखि बढीमा १४ दिन थप्ने निर्णय गर्दै यो प्रस्ताव मन्त्रिपरिषदमा पठाइने बताइएकाे छ ।
अब मन्त्रिपरिषद्काे निर्णयले साे प्रस्तावलाई स्वीकार वा अस्वीकार पनि गर्न सक्नेछ । आजै ४ बजे मन्त्रिपरिषदको बैठक बस्दैछ । यसबारे आवश्यक निर्णय मन्त्रिपरिषद्ले लिनेछ ।
सरकारले कोरोना भाइरसको जोखिम न्यूनीकरणको उद्देश्यका साथ गत चैत ११ गते बिहान ६ बजेदेखि लागू हुनेगरी एक साता लकडाउनको घोषणा गरेको थियो । सो लकडाउनको समयावधि चैत १८ गते बिहान ६ बजेदेखि सकिँदैछ ।
Copyright © 2024 Bikash Media Pvt. Ltd.