काठमाडौं । सोमबार तीन कम्पनीमा लगानीकर्ताको आकर्षण बढेको छ । नबिल बैंक, प्रभु बैंक र चिलिमे हाइड्रोपावरले लाभांश घोषणा गरेसँगै लगानीकर्ताहरुको यी कम्पनीमा आकर्षित भएका हुन् ।

कूल १९ करोड १८ लाख रुपैयाँ बराबरको सेयर कारोबार भएको बजारमा उक्त तीन कम्पनीको एकैदिन करोडौं रुपैयाँ बढीको सेयर कारोबार भएको छ । सबैभन्दा बढी नबिल बैंकको एक करोड ९८ लाख रुपैयाँ, त्यसपछि प्रभु बैंकको एक करोड ६१ लाख र चिलिमेको एक करोड १९ लाख रुपैयाँ बराबरको सेयर किनबेच भएको छ ।

प्रस्तावित लाभांश पाउने आशामा लगानीकर्ताले यी कम्पनीका सेयर किनेका हुन् । साथै, बजारमा उल्लेखित कम्पनीको सेयर मूल्य सस्तो भएपछि यी कम्पनीको बढी सेयर कारोबार भएको हो ।

नबिल र प्रभु बैंकले हालै मात्र गत आर्थिक वर्षको नाफाबाट क्रमशः ३४ प्रतिशत र १६.८४ लाभांश दिने घोषणा गरेका थिए । त्यस्तै, चिलिमेले सोमबार मात्रै आफ्ना सेयरधनीलाई २५ प्रतिशत लाभांश दिने प्रस्ताव गरेको छ । लाभांश प्रस्तावसँगै चिलिमेको सेयर मूल्य अघिल्लो दिनको तुलनामा ६.२४ प्रतिशतले बढेको छ । सोमबार कम्पनीको सेयर मूल्य प्रतिकित्ता ४६० रुपैयाँ रहेको छ । सो दिन सबैभन्दा बढी ग्लोबल आईएमई लघुवित्त वित्तीय संस्थाको सेयर मूल्य ९.९३ प्रतिशतले बढेको छ ।

सोमबारको नेप्से परिसूचक सामान्य अंकले बढेर ११४० अंकमा पुगेको छ । सो दिन कूल १६३ कम्पनीको ७ लाख ५९ हजार ७१२ कित्ता सेयर किनबेच भएको छ ।

सम्बन्धित शिषर्कहरु

९ महिनामा २२४ वटा निर्माण कम्पनी परे कालोसूचिमा

दरबारमार्गबाट स्रोत नखुलेको ९८ लाखसहित पक्राउ परेका दुवैजना सुन तस्करीमा संलग्न

चितवनको सबस्टेसन सञ्चालनमा, भरतपुरको विद्युत् आपूर्तिमा सुधार हुने

नेपालमै खुल्याे हुण्डाई गाडीको पहिलाे एसेम्बल प्लान्ट

नेपालमा युरोपेली लगानी भित्र्याउन संघले सघाउने

दरबारमार्गबाट स्रोत नखुलेको ९८ लाखसहित दुईजना पक्राउ