काठमाडौं । बोनस घोषणा गरेसँगै आइतबारको बजारमा प्रभु बैंकको सबैभन्दा बढी सेयर कारोबार भएको छ । बैंकले आइतबारमात्रै सेयरधनीलाई १६ प्रतिशत बोनस र कर प्रयोजनको लागि ०.८४ प्रतिशत नगद दिने प्रस्तावलाई एक सूचनामार्फत सार्वजनिक गरेको थियो । जसको असर सेयरबजारमा परेको देखिन्छ ।

लाभांश घोषणा गरेकै दिन आइतबारको बजारमा बैंकको एक करोड ५२ लाख रुपैयाँ बराबरको सेयर किनबेच भएको छ । जुन कारोबारमा आएका अन्य कम्पनीको तुलनामा सबैभन्दा बढी हो ।

लाभांश घोषणासँगै, बैंकले कात्तिक २६ गतेदेखि मंसिर ८ गतेसम्म बुक क्लोज गर्ने निर्णय गरेको छ । बैंकले आगामी मंसिर ६ गते सभामा जाने प्रयोजनको लागि उक्त दिन बुक क्लोज गर्न लागेको हो । उक्त सभा बैंकको केन्द्रिय कार्यालय काठमाडौंको बबरमहलमा दिनको २ बजे बस्दै छ ।

सभामा संस्थापक सेयरधनीहरु र सर्वसाधारण सेयरधनीको सेयर स्वामित्व बढाउने विशेष प्रस्ताव लैजाँदै छ । संस्थापक सेयरधनीको सेयर स्वामित्व ५५ प्रतिशतबाट ५१ पुर्याउने र सर्वसाधारण सेयरधनीको सेयर स्वामित्व ४५ बाट ४९ प्रतिशत पुर्याउने विशेष प्रस्ताव रहेको छ ।

आइतबारकाे बजारमा कूल १६१ कम्पनी कारोबारमा आएका थिए । उक्त कम्पनीको कूल ७ लाख ८४ हजार कित्ता अर्थात १७ करोड ५५ लाख रुपैयाँ बराबरको सेयर खरिद बिक्री भएका छन् । त्यस्तै, देवः विकास बैंकको एक करोड ४३ लाख रुपैयाँ बराबरको संस्थापक सेयर किनबेच भएको छ ।

साताको पहिलो कारोबारमा नेप्से परिसूचक ६.८८ अंकले घटेर ११३९ अंकमा झरेको छ । जुन अघिल्लो कारोबारको तुलनामा ०.६० प्रतिशत बढी हो ।

सो दिन कारोबारमा आएका १२ समूहमध्ये म्युचअल फण्ड समूह सामान्य अंकले बढेर हरियो देखिएको छ भने बाँकी समूह राताम्मे देखिएका छन् । सबैभन्दा बढी उत्पादनमूलक समूह ३७ अंकले ओरालो लागेको छ ।

सम्बन्धित शिषर्कहरु

सातु र सर्वत खाएर मनाइँदै अक्षय तृतीय (तस्बिरहरू)

९ महिनामा २२४ वटा निर्माण कम्पनी परे कालोसूचिमा

दरबारमार्गबाट स्रोत नखुलेको ९८ लाखसहित पक्राउ परेका दुवैजना सुन तस्करीमा संलग्न

चितवनको सबस्टेसन सञ्चालनमा, भरतपुरको विद्युत् आपूर्तिमा सुधार हुने

नेपालमै खुल्याे हुण्डाई गाडीको पहिलाे एसेम्बल प्लान्ट

नेपालमा युरोपेली लगानी भित्र्याउन संघले सघाउने