काठमाडौं । अर्थमन्त्री वर्षमान पुनले भारतले चुनावलाई देखाएर मागेजति विद्युत नदिँदा नेपालमा लोडसेडिङ भएको बताएका छन् । उनले प्रसारण लाइनमा रहेको समस्याले पनि उद्योगमा लोडसेडिङ भएको बताएका हुन । सोमबार काठमाडौंमा आयोजित एक कार्यक्रममा उनले यस्तो बताएका हुन् ।

‘विगतमा हिउँदमा एक तिहाई उत्पादन हुने बिजुली एक चौथाइमा झरेको छ, वर्षायाममा ३२ सय मेगावाट उत्पादन हुनेमा अहिले ८ सयमा झरेको छ, भारतले चुनावलाई देखाउँदै मागेजति विद्युत नदिँदा नेपालका उद्योगहरूमा लोडसेडिङ भएको हो,’ उनले भने ।

उनले समग्र अर्थतन्त्रमा शिथिलता देखिए पनि गत वर्षभन्दा यस वर्ष आर्थिक वृद्धिदर बढी रहेको धारणा राखे ।  उनले उत्पादनसँग सम्बन्धित उद्योग र निर्माण क्षेत्रमा पनि समस्या देखिएकाले त्यसको समाधानमा सरकार लागिपरेको धारणा राखे ।

पछिल्लो समय उद्योगीहरूले लोडसडिङ भएको बताउँदै आएका छन् । तर, नेपाल विद्युत प्राधिकरण भने यसलाई लोडसेडिङ भन्न नमिल्ने धारणा राखिरहेको छ ।

कार्यक्रममा नेपाल राष्ट्र बैंकका गभर्नर महाप्रसाद अधिकारीले अर्थतन्त्रका सूचक सकारात्मक हुँदै गएको बताएका छन् । उनले अहिले व्यवसायीमा आत्मविश्वासको कमी भएको बताउँदै उद्योगी व्यवसायीले अहिले आत्मबल बढाउन आवश्यक रहेको धारणा राखे ।

सम्बन्धित शिषर्कहरु

गार्डियन माइक्रो लाइफले आईपीओ निष्कासन गर्ने, बिक्री प्रबन्धकमा कुमारी क्यापिटल

यी हुन् बेरुजु शून्य भएका स्थानीय तह

बंगलादेशमा छात्रवृत्तिमा नाम काटिएका विद्यार्थीले पनि पढ्न पाउँछन् : मन्त्री श्रेष्ठ

बीपीसीले आँधिखोला वितरण केन्द्रअन्तर्गतको विद्युत महसुल बढाएपछि स्थानीयकाे विराेध

राष्ट्रिय जीवन बीमा कम्पनीका अध्यक्ष बरालले लिए शपथ

सामान्य अकंले बढ्यो नेप्से परिसूचक