२०८० कार्तिक १ गते ७:३४ विकासन्युज
काठमाडौं । सिटिजन्स बैंकको ऋणपत्र बाँडफाँट गरिएको छ । बैंकको ३ अर्बको ऋणपत्र असोज ३० गते मंगलबारका दिन बाँडफाँट गरिएको बिक्री प्रबन्धक हिमालयन क्यापिटलले जानकारी दिएको छ ।
बैंकले असोज १७ गतेदेखि असोज २२ गतेसम्म १० वर्ष अवधिको ‘१० प्रतिशत सिटिजन्स बैंक डिबेन्चर २०९०’ ऋणपत्र बिक्री गरेको थियो । बैंकले प्रतिकित्ता १ हजार अंकित मूल्य दरका ३ अर्ब रुपैयाँ बराबरको ३० लाख कित्ता ऋणपत्र बिक्री गरेको थियो ।
क्यापिटलका अनुसार ६० प्रतिशत अर्थात् १८ लाख कित्ता ऋणपत्र विभिन्न संघसंस्थालाई ब्यक्तिगत तवरबाट बिक्री गरिएको छ भने ४० प्रतिशत अर्थात् १२ लाख कित्ता ऋणपत्र सर्वसाधारणलाई बाँडफाँट गरिएको छ ।
हिमालयन क्यापिटल तथा सिडिएस एण्ड क्लियरिङ्गले सञ्चालन गरेको आईपीओ रिजल्टमार्फत् नतिजा हेर्न सकिने छ ।
Copyright © 2024 Bikash Media Pvt. Ltd.