काठमाडौं । तीनवर्ष अघिदेखि नेपालकै अग्रणी फिनटेक कम्पनी–एफवान सफ्ट गु्रप अन्तर्गत कार्य संचालनमा आएको डिजिटल रेमिट्यान्स कम्पनी इसेवामनी ट्रान्सफरले तीनवर्ष पुरा गरेको छ । यस रेमिट्यान्स कम्पनीले हाल संसारका २०० भन्दा बढी मुलुकबाट ३० वटा भन्दा बढी अन्तर्राष्ट्रिय रेमिट्यान्स साझेदारको सहायतामा नेपालमा रेमिट्यान्स भित्राउँदै आइरहेको छ ।

कार्य संचालनमा आएसँगै डिजिटल रेमिट्यान्सलाई प्राथमिकता दिँदै ‘मेरो पहिलो रोजाइ’ नारा बोकेर अघि बढेको यस रेमिट्यान्स कम्पनीले डिजिटल प्रविधिको माध्यमद्वारा हालमुलुकका ६० भन्दा बढी बैंक तथा वित्तीय संस्थाहरुसँग समन्वय गर्दै तुरुन्तै ग्राहकको खातामा रेमिट्यान्स भित्राउँदै आएको छ । त्यस्तै, इसेवामनी ट्रान्सफर मार्फत ६१ लाखभन्दा बढी प्रयोगकर्ताको सञ्जाल इसेवावालेटमा पनिविदेशमा रहेका नेपालीहरुले सहजै पैसा पठाउन पाएका छन् ।

त्यस्तै, कम्पनीले आफ्ना एजेण्ट नेटवर्कलाई पनि व्यापक मात्रामा वृद्धि गर्दै देशभरी आफ्नो सेवा पुर्याई सकेको जनाएको छ । हाल, यस कम्पनीका मुलुकभर १२,००० भन्दा बढी संख्यामा एजेण्ट नेटवर्क रहेका छन्, जसबाट ग्राहकहरुले विदेशबाट आएको रकम तुरुन्तै पाउन सक्छन् । यतिमात्र नभएर देशको कुना–कुनासम्म रहेका इसेवाका १ लाख १२,००० एजेण्ट क्यास पोइन्ट मार्फत पनि उपभोक्ताले इसेवामनी ट्रान्सफरको रेमिट्यान्स सेवाको लाभ उठाइरहेको इसेवाले जनाएको छ ।

तेस्रो वार्षिकोत्सवको अवसरमा बोल्दै कम्पनीका प्रमुख कार्यकारी अधिकृत अजेस कोइरालाले भने, ‘कार्य संचालनको ३ वर्षमै इसेवामनी ट्रान्सफरले छिटो, विश्वसनीय र परिस्कृत सेवा प्रदान गर्दै विदेशमा रहेका नेपालीहरुको मन जितेर पहिलो रोजाइ बन्न सफल भएकोमा हामी एकदमै खुशी र उत्साहित छौँ, हाम्रो यस सफलताको श्रेय, म सम्पूर्ण साझेदार, नियामक निकाय, कर्मचारी, एजेन्ट, ग्राहकलगायत सम्पूर्ण शुभचिन्तकहरुलाई दिन चाहन्छु ।’

‘डिजिटल माध्यमलाई प्रोत्साहनगर्दै हामीले ’मेरो डिजिटल देश’अभियान सुरु गरेका छौ, जस अन्तर्गत ६ जनाभाग्यशाली विजेताहरुलाई हामीले घरमै गएर उपहार हस्तान्तरण गर्र्यौं, साथै एक जना भाग्यशाली विजेताले काठमाडौंमा नयाँ घर जित्नुहुनेछ, अन्ततः सबैको पहिलो रोजाइ बनेर बैधानिक रुपमा डिजिटल माध्यमबाट कम शुल्कमा रेमिट्यान्स ल्याई हरेक विदेशिएका नेपाली र उनीहरुको परिवारमा खुशी ल्याउनु नै आगामी दिनहरुमा हाम्रो मूल लक्ष्य रहने छ’, आफ्नो सेवा विस्तारकाबारे कोइरालाले थपे ।

सम्बन्धित शिषर्कहरु

नेशनल लघुवित्तको सञ्चालकको निर्वाचन सम्पन्न

नेरुडे मिर्मिरे लघुवित्तको १ करोड ३९ लाख बढी कित्ता सेयर सूचीकृत, आइतबारदेखि कारोबार

महालक्ष्मी विकास बैंक र एनसीएचएलबीच अन्तर्देशीय कारोबारका लागि सम्झौता

राष्ट्र बैंक भन्छ– लचिलो मौद्रिक नीतिले उत्साह बढाउँछ, कर्जा वृद्धि हुने

यसरी बनाउन सकिन्छ सफल सहकारी

डर्टबाइक रेसिङको टिकटिङ आइएमई पेबाट