एजेन्सी । गुगलले ओपन एआईको अन्तरक्रियात्मक च्याटबोट च्याटजिपिटिको प्रतिस्पर्धीको रुपमा बार्डको विकास गरेको छ । गुगलले परीक्षणको समयमा सिमित प्रयोगकर्ताहरुको माझमा प्रयोगमा ल्याएको सो बार्ड बिस्तारै विश्वव्यापी प्रयोगकर्ताहरुबीचमा ल्याउने जनाएको छ ।

अहिले अमेरिका र बेलायतका निश्चित प्रयोगकर्ताहरूले मात्रै बार्डको प्रयोग गर्न सक्नेछन् । गुगलले धेरै भाषाहरुमा विश्वका अन्य देशमा पुग्न समय लाग्न सक्ने बताएको छ ।

गुगलका सीईओ सुन्दर पिचाईले मंगलबार आफ्ना कर्मचारीहरूलाई भने, ‘गुगलका ८० हजार कर्मचारीसँग बार्डको परीक्षण गरिसकेपछि पहिलो चरणका रूपमा अमेरिका र बेलायतमा जनतासँग परीक्षण गरिने छ, चीजहरू गलत हुन सक्छन्, तर उत्पादन र प्रविधि सुधार गर्न प्रयोगकर्ताको प्रतिक्रिया आवश्यक छ।’

एआईको संसारमा माइक्रोसफ्टको ठूलो लगानी भएको कम्पनी ओपेन एआईको च्याटजिपिटी अहिले सबैभन्दा अगाडि छ। च्याटजिपिटी गत वर्ष नोभेम्बर ३० मा लन्च गरिएको थियो र एक महिनामा यसले एक सय मिलियन प्रयोगकर्ताहरू पार गरेको थियो। च्याटजिपिटीले सूचना सङ्कलन गरेर नयाँ डाटा उत्पन्न गर्न जेनेरेटिभ एआई प्रविधि प्रयोग गर्दछ भने गुगलको च्याटबोट बार्ड लाम्डा (एलएएमडिए) को ठूलो भाषा मोडेलमा आधारित छ। बार्डले पनि च्याटजिपिटीले जस्तै मानिसका धेरै जिज्ञासाहरुको जवाफ दिनुका साथै निवन्ध लेख्न, खानाका वस्तुहरुहरु देखाएर त्यसको परिकार बनाउन लगायत थुप्रै कामहरुमा मानिसलाई सहयोग गर्नसक्ने जनाइएको छ ।

तपाईं च्याटजिपिटीमा कुनै पनि प्रश्न सोध्न सक्नुहुन्छ। इमेल लेख्ने देखि बायोग्राफी बनाउन यसलाई प्रयोग गर्न सकिन्छ । च्याटजिपिटीले तपाईंको भिडियो कसरी भाइरल बनाउने भनेर समेत जवाफ दिन्छ। च्याटजिपिटी तपाइँलाई तपाइँको श्रीमतीलाई के उपहार दिने भन्ने बारेमा पनि सल्लाह दिन्छ । उदाहरण को लागी यदि एक विद्यार्थीले लोकतन्त्र मा एक निबन्ध लेख्नु छ भने च्याटजिपिटीले तुरुन्तै सो विषयको निवन्ध तयार पारिदिन्छ ।

च्याटजिपिटीले लामो उत्तरहरूको सट्टा छोटो र सटीक शब्दहरूमा पूर्ण जानकारी दिन्छ। यद्यपि यसले अनुपयुक्त अनुरोधहरू अस्वीकार गर्न सक्छ। ताकि यसलाई गैरकानूनी चीजहरूमा प्रयोग गर्न नपरोस्। जस्तै कुकर बम कसरी बनाउने ? यस्तो प्रश्न सोध्दा च्याटजिपिटीले सो विषय अवैध भएको र यसको जानकारी गराउन नसकिने जानकारी गराउँछ ।

गुगलले केही समयअगाडि टेलिस्कोपको विषयमा गलत जानकारी दिएपछि गुगलको मार्केट भ्यालुमा एक सय बिलियन घट्न पुगेको थियो । त्यसैले गुगलले बार्डलाई आगामी दिनमा धेरै परीक्षण र परिस्कृत पक्रियाद्वारा अगाडि बढाउने प्रयत्न गरेको छ ।

सम्बन्धित शिषर्कहरु

न्यूनतम पारिश्रमिक निर्धारण समितिको अध्यक्षका लागि ६ जनाको उम्मेदवारी

२१ करोड दस्तुर तिरेर टेलिकमले पायो ५ वर्षको मोबाइल लाइसेन्स

सूचना प्रविधिलाई विशेष प्राथमिकतामा राखेर अबको बजेट आउँछ : सञ्चारमन्त्री शर्मा

वीरगञ्जमा एनसेल सेन्टर सञ्चालनमा

एनसेलले ल्यायो आमाहरूप्रति समर्पित भिडियो

एनटीसीका प्रबन्ध निर्देशक पौडेललाई ९ वर्ष जेल, आधा अर्ब पैसा तिर्नु पर्ने