होङ्सी शिवम सिमेन्टले गर्यो १७ अर्बको व्यापार, साढे ६ अर्ब ऋण लिँदै
२०७९ कार्तिक ३ गते ११:०३ विकासन्युज
काठमाडौं । होङ्सी शिवम् सिमेन्टले एक वर्षमा १७ अर्ब ५ करोड ५० लाख रुपैयाँको व्यापार (अपरिष्कृत) गरेको छ । कम्पनीले सन् २०२२ मा सो व्यापार गरेको हो । कम्पनीको गत वर्षको तुलनामा भने व्यापार घटेको छ ।
गत वर्ष कम्पनीले १७ अर्ब ४५ करोड ७० लाख रुपैयाँको व्यापार गरेको थियो । अघिल्लो वर्षको तुलनामा गत वर्ष कम्पनीको व्यापार ४२ करोड २० लाख रुपैयाँले घटेको छ ।
सन् २०२० मा १३ अर्ब ३७ करोड १० लाख र सन् २०१९ मा १३ अर्ब ४८ करोड ४० लाख रुपैयाँको व्यापार गरेको थियो ।
कम्पनीले ६ अर्ब ५० करोड रुपैयाँ अल्पकालिन ऋणका लागि रेटिङ गराएको छ । जसले इक्रा नेपालबाट ए प्लस रेटिङ पाएको छ । यस उद्याेगमा दुई कम्पनीको लगानी छ । हङकङ रेड लियन सिमेन्टकाे ७० प्रतिशत र शिवम होल्डिङ प्राइभेट लिमिटेडको ३० प्रतिशत सेयर लगानी छ ।
पूर्वी नवलपरासीमा स्थापना भएको नेपालको सबैभन्दा ठूलो सिमेन्ट उद्योग होङ्सी शिवम सिमेन्टले २०७५ देखि व्यावसायिक उत्पादन थालेको हो । करीब ३६ अर्बको लगानीमा नवलपरासीको सर्दीमा सिमेन्ट उत्पादन सुरु भएको थियो ।
सम्बन्धित शिषर्कहरु
Copyright © 2024 Bikash Media Pvt. Ltd.