काठमाडौं । राष्ट्रिय वाणिज्य बैकले चाडपर्वलाई मध्यनजर गर्दै विद्युतीय कारोबारलाई प्रोत्साहन गर्न पाइन्ट अफ सेल्सको माध्यमबाट काराेबार गर्दा क्यासब्याक अफर ल्याएकाे छ । बैंकले प्रति कारोबार १ हजार वा सो भन्दा बढीको कार्ड स्वाइप गर्दा क्यास ब्याक अफर ल्याएको हाे ।

यो योजना आगामी असोज १० गते देखि कात्तिक १३ गतेसम्म लागू हुने बैंकले जनाएकाे छ । देशभर विभिन्न व्यवसायहरुमा रहेको पिओएसको माध्यमबाट राष्ट्रिय वाणिज्य बैंकको कार्डबाट बैंककै पिओएस मेसिन प्रयोग गरी रकम भुक्तानी गर्दा कारोबारमा क्यासब्याक पाइनेछ ।

यस अन्तर्गत ३ देखी ५ पटकको कार्ड स्वाइपमा ५ प्रतिशत अधिकतम क्यासब्याक वा ५०० रुपैयाँ, ६ देखी १० पटकको कार्ड स्वाइपमा १० प्रतिशत वा ७५० रुपैयाँ, ११ देखी १५ पटकको कार्ड स्वाइपमा १५  प्रतिशत वा १ हजार रकम क्यासब्याक पाइनेछ ।

यसैगरी, असोज ७ देखि १४ गतेसम्म र २०७९ कार्तिक २ देखि ६ गतेसम्म राष्ट्रिय वाणिज्य बैंकको मोवाईल बैंकिङ्ग प्रयोग गरी क्युआर कोड स्क्यान गरी भुक्तानी गर्दा कुल कारोबार रकमको १० प्रतिशत वा १०० रुपैयाँ रकम क्यासब्याक पाइनेछ ।

बैंकको हाल ७ प्रदेश, ७७ जिल्लामा २६२ वटा शाखा कार्यालय, ५१ वटा एक्सटेन्सन काउन्टर, २६८ वटा एटिएम र ९९ वटा शाखा रहित बैंकिङ्ग सेवा रहेको छ ।

सम्बन्धित शिषर्कहरु

महालक्ष्मी विकास बैंकद्वारा छात्रवृत्ति वितरणका लागि आर्थिक सहयोग

प्रभु बैंकका ग्राहकले काठमाडौं मोडेल अस्पतालमा छुट पाउने

नेपाल एसबिआई बैंकका ग्राहकलाई स्काईवाकमा २० प्रतिशत छुट

बैंक अफ जापानद्वारा सरकारी ऋणपत्रको खरिदमा कटौती

बैंक सबल बन्न नाफा हुनैपर्छ : गभर्नर अधिकारी

एनआईसी एशिया बैंक र क्यापिटलमा नि:शुल्क डिम्याट खाता खोल्न सकिने