२०७९ भदौ ३१ गते १४:४९ विकासन्युज
काठमाडौं । शुक्रबारको अन्तिम कारोबारमा नेप्से परिसूचक दोहोरो अंकले घटेको छ । परिसूचक १४.१० अंकले घटेर १९१०.३८ बिन्दुमा झरेको छ । जुन अघिल्लो दिनको तुलनामा ०.७३ प्रतिशतले घटी हो ।
बजारमा ९० करोड ८१ लाख रुपैयाँ बराबरको सेयर कारोबार भएको छ । कारोबारमा आएका कम्पनीमध्ये रिडी पावर कम्पनीको सबैभन्दा बढी सेयर कारोबार भएको छ । कम्पनीको एकैदिन ४ करोड २३ लाख रुपैयाँ बराबरको सेयर कारोबार भएको हो ।
टप गेनरको शीर्ष स्थानमा नबिल ब्यालेन्स्ड फण्ड २ रहेको छ । फण्डको इकाई मूल्य ७.८७ प्रतिशतले बढेर प्रतिइकाई ९.६० रुपैयाँ पुगेको छ । यता टप लुजरको शीर्ष स्थानमा मिर्मिरे माइक्रोफाइनान्स डेभलपमेन्ट बैंकको सेयर मूल्य ५.५९ प्रतिशतले घटेर प्रतिकित्ता ९८० रुपैयाँमा झरेको छ ।
बजारमा म्युचुअल फण्ड समूह उकालो लागेको छ । बाँकी समूह ओरालो लागेको छ ।
यससँगै अब असोजदेखिको सेयर कारोबार ५ दिनमात्रै खुल्ने छ । हाल आइतबारदेखि शुक्रबारसम्म कारोबार हुँदै आएको बजारमा अब भने आइतबारदेखि बिहीबारसम्म मात्रै हुने छ ।
Copyright © 2024 Bikash Media Pvt. Ltd.
