२०७९ साउन २४ गते १६:१० विकासन्युज
काठमाडाैं । इसेवा मनी ट्रान्सफरले नयाँ वर्षलाई लक्षित गर्दै ल्याएको रेमिटोत्सवकाे विजेता कतारमा रहेका गोर्खा जिल्ला निवाशी कमल कमर बनेकाे छन् ।
कमरले यस वापत उपहार स्वरुि ५० हजार रुपैयाँ पाएका छन् । उनले रेमिटोत्सव योजनाका बेला कतारको युनिमोनी एक्सचेन्जबाट इसेवा मनी ट्रान्सफर मार्फत रेमिट्यान्स पठाएका थिए ।
बैशाख १ बाट प्रारम्भ भएर साउन ४ सम्म चलेको यस योजनाको मुख्य उद्देश्य स्वदेश तथा विदेशबाट हुने अवैधानिक रेमिट्यान्स गतिविधिलाई निरुत्साहित गर्दै वैधानिक रेमिट्यान्सलाई प्रोत्साहन गर्नु थियाे ।
यस अफरमा, १४ हप्तासम्म संसारका २०० भन्दा बढी मुलुकबाट इसेवा मनी ट्रान्सफर मार्फत रेमिट्यान्स कारोवार गर्ने मध्ये हरेक दिन १ जनालाई र योजना अवधि भर कुल ९८ जनालाई प्रत्येक दिन उपहार स्वरुप ५ हजार प्रदान गरिएको थियो ।
Copyright © 2024 Bikash Media Pvt. Ltd.