२०७९ जेठ १८ गते ११:४७ विकासन्युज
काठमाडौं । टायरमा समस्या देखिएपछि भद्रपुरका लागि उडान भरेको बुद्धको जहाज काठमाडौं फिर्ता भएको छ ।
बुधबार बिहान १० बजेर ४३ मिनेटमा त्रिभुवन अन्तर्राष्ट्रिय विमानस्थल कार्यालयबाट झापाको भद्रपुरका लागि उडान भरेको बुद्धले जहाज टायरमा समस्या देखिएपछि बीच बाटोबाटै फर्किएको हो ।
त्रिभुवन विमानस्थल कार्यालयले बुद्धको जहाज काठमाडौं फिर्ता भएकोे जनाएको छ । विमानस्थल कार्यालयका प्रवक्ता टेकनाथ सिटौलाले बिहान ११ बजेर १० मिनेटमा बुद्धकोे जहाज अवतरण गरिएको बताए ।
फ्लाइट नम्बर–९५३ ‘ए–एनपी’ विमानमा ६९ यात्रु रहेका थिए ।
यसअघि गत असोजमा काठमाडौंबाट विराटनगरका लागि उडान भरेको जहाजको त्याण्डिङ गियरमा समस्या आएको भन्दै बीच बाटोबाटै फर्काइएको थियो ।
Copyright © 2024 Bikash Media Pvt. Ltd.